ەر ادام ۆيرۋس جۇقتىرعان ادامنىڭ سىلەكەيىن 70 دوللارعا ساتىپ العان
ەندى ول سوت الدىندا جاۋاپ بەرگەلى جاتىر، دەپ حابارلايدى Egemen.kz.
جەرگىلىكتى باسپا ءسوزدىڭ حابارلاۋىنشا، اۆتوسالوننىڭ يەسى يبراگيم ۋنۆەردي ءوز قىزمەتكەرىنە اۆتوكولىكتى ساتۋ بويىنشا مامىلە جاساۋ ءۇشىن 215 مىڭ تۇرىك ليراسىن بەرگەن. الايدا كەلەسى كۇنى جۇمىسشىسى باستىعىنا قوڭىراۋ شالىپ، اقشانى ءوز نەسيەسىن تولەۋگە جۇمساپ تاستاعانىن ايتادى.
ۋنۆەرديدىڭ ايتۋىنشا، باسقا جۇمىسشىلار بۇعان دەيىن ونى سول ەر ادامنىڭ ولتىرگىسى كەلگەنىن ايتقان. اتالعان ماقساتپەن قىزمەتكەر كوروناۆيرۋس جۇقتىرعان ادامنان ءبىر قۇتى سىلەكەيدى 70 دوللارعا ساتىپ الىپ، باستىقتىڭ شايىنا ارالاستىرادى.
الايدا ۋنۆەردي ول شايدى ىشپەي، اۋرۋدى جۇقتىرماعان. وسىدان كەيىن جۇمىسشىسى باستىعىنا «اتىپ ولتىرەمىن» دەپ قوقاڭ- لوقى كورسەتتى. باستىعىنىڭ تەلەفونىنا جىبەرگەن حابارلامانىڭ بىرىندە: «مەن سەنى ۆيرۋسپەن ولتىرە المادىم، ال كەلەسىدە تۋرا باسىڭنان اتامىن» دەپ جازىلعان.
اقىرىندا اۆتوسالون يەسى پوليتسياعا ارىزدانىپ، ناتيجەسىندە جۇمىسشى قاماۋعا الىنادى. ەر ادامعا كىسى ولتىرۋگە وقتالدى دەگەن ايىپ تاعىلدى.