ەلوردادا بيىل «70 جىلدان بەرگى رەكورد» بولدى
قاڭتاردا تۇسكەن قاردىڭ مولشەرى بۇرىنعىدان الدە قايا از. رەسپۋبليكانىڭ سولتۇستىك، شىعىس، باتىس، وڭتۇستىگى مەن وڭتۇستىك- شىعىسىندا جاۋىن- شاشىن نورمادان 1,3-2,4 ەسە كوپ بولدى. جاۋىن- شاشىن تارالۋى بويىنشا مۇنداي اۋا رايى 1985 جانە 1996 -جىلدارى، ال تەمپەراتۋرا بويىنشا 1998 جانە 2012 -جىلدارى بولعان.
سينوپتيكتەر بولجامىنشا، 2021 -جىلدىڭ قاڭتار ايىندا قازاقستان اۋماعىنىڭ باسىم بولىگىندە اۋا تەمپەراتۋراسى كليماتتىق نورمادان 1-5 گرادۋسقا تومەن بولسا، سولتۇستىك- باتىستا، وڭتۇستىك پەن وڭتۇستىك- شىعىسىندا تەك جەكەلەگەن اۋدانداردا نورمادان تومەن بولدى. ال رەسپۋبليكانىڭ باتىس ايماقتارىندا جانە وڭتۇستىگىندە نورمادان 1-2 گرادۋسقا جوعارى.
جەلتوقسان ايازى قاڭتاردىڭ ءبىرىنشى ونكۇندىگىندە ساقتالدى، ءبىراق ەكىنشى جانە ءۇشىنشى ونكۇندىكتە ەلوردادا تۇندە تەمپەراتۋرا 10-...15- گرادۋسقا دەيىن كوتەرىلدى، تەك كەيبىر كۇندەردە 20-...25- گرادۋس شەگىندە اياز بولدى.
ايدىڭ اياعىندا ورتالىق ازيادان كەلگەن جىلى اۋا ماسسالارىمەن قازاقستان اۋماعىندا جىلىنۋ بايقالدى. ەلوردادا 31-قاڭتاردا كۇندىز تەرمومەتر كورسەتكىشى 3,4+ گرادۋسقا جەتتى. رەكوردتىق جىلى اۋا رايى 5,0+ گرادۋس. سوڭعى رەت مۇنداي قۇبىلىس 1948 -جىلى بايقالدى.