ەلىمىزدە كوروناۆيرۋس جۇقتىرعانداردىڭ %70 ناۋقاسپەن قارىم-قاتىناستا بولعاندار

بۇل تۋرالى ق ر د س م تاۋارلار مەن قىزمەتتەردىڭ قاۋىپسىزدىگى مەن ساپاسىن باقىلاۋ كوميتەتىنىڭ ءتوراعاسى تيمۋر سۇلتانعازييەۆ ايتىپ بەردى.

«قازىرگى ۋاقىتتا ەلىمىزدە COVID-19 ىندەتىن جۇقتىرۋدىڭ 2791 جاعدايى تىركەلدى. ونىڭ 70 پايىزى نەمەسە 1957 ادام - جاقىن بايلانىستا بولعاندار. جەرگىلىكتى جاعدايلار - 17 پايىز نەمەسە 473 جاعداي. باسقا مەملەكەتتەن كەلگەندەر - 11 پايىز نەمەسە 302 جاعداي» ، - دەپ اتاپ ءوتتى ت. سۇلتانعازيەۆ facebook جەلىسىندە وتكەن ونلاين بريفينگتە.

ونىڭ ايتۋىنشا، وتكەن تاۋلىكتە 116 جاڭا وقيعا تىركەلىپ، 4,5 پايىز ءوسىم بايقالعان. «وتكەن اپتادا ىندەت ءوسىمى 4,5-8 پايىز ارالىعىندا بولعان ەدى. الايدا كەيبىر وبلىستار مەن اۋماقتاردا بۇل ءوسىم وتكەن اپتادا 50 پايىزدان جوعارى بولعان. جالپى ايتقاندا، ناۋرىز ايىمەن سالىستىرعاندا ءوسىم كورسەتكىشتەرى بىرتىندەپ تۇراقتالىپ كەلەدى دەپ ايتۋعا بولادى. قازىرگى ۋاقىتتا 682 سىرقات جازىلىپ، اۋرۋحانادان شىقتى. جالپى مونيتورينگتە جاقىن نەمەسە ىقتيمال بايلانىسقاندار رەتىندە 47 مىڭ 839 ادام اتالعان ەدى. ونىڭ 98,5 پايىزى دارىگەرلەرمەن حابارلاسىپ، ءۇي كارانتينىنە جاتقىزىلدى» ، - دەدى سپيكەر.