يراندا كوروناۆيرۋستان كوز جۇمعاندار سانى 70 كە جۋىقتادى
تەگەران. يرنا- قازاقپارات - يراندا كوروناۆيرۋستىڭ جاڭا تۇرىنەن (СOVID-19) كوز جۇمعاندار سانى 66 عا جەتتى.
بۇل تۋرالى قازاقپارات يرنا اگەنتتىگىنە سىلتەمە جاساپ حابارلايدى.
يراننىڭ دەنساۋلىق ساقتاۋ ءمينيسترىنىڭ ورىنباسارى اليرەزي رايسيدىڭ ايتۋىنشا، ەلدە اۋرۋعا شالدىققان ادامداردىڭ سانى 2- ناۋرىز كۇنى 1501 گە جەتكەن، سونىڭ ىشىندە 291 ادام جازىلىپ شىقتى.
«كوروناۆيرۋس جۇقتىرۋدىڭ 225 وقيعاسى تەگەران قالاسىندا تىركەلدى، كۋمادا – 62، گيلياندا – 53، يسفاحاندا – 23، ماركازي پروۆينتسياسىندا – 18، كازۆيندە – 18، حوراسان رەزاۆيدە – 6، فارس پروۆينتسياسىندا – 8، كەرمانشاحتا – 1، مازەندەراندا – 12، البورزادا – 10، حورموزگاندا – 7، حۋزەستاندا – 12، سيستان جانە بەلۋدجيستان پروۆينتسياسىندا – 1، باتىس ازەربايجاندا – 4، يلامدا – 2، وڭتۇستىك حوراساندا – 3، كەرماندا - 2 جانە يەزدە ءبىر ادام ىندەت جۇقتىرعان»، - دەپ اتاپ ءوتتى ول.
يران ەلدىڭ شەكارا بەكەتتەرىندە كوروناۆيرۋستىڭ تارالۋ سالدارلارىن جويۋعا كۇش سالۋدا.
«دەنساۋلىق ساقتاۋ مينيسترلىگىمەن بىرلەسىپ، كوروناۆيرۋستىڭ تارالۋىن الدىن الۋ ماقساتىندا شەكارا بەكەتتەرىن دەزينفەكتسيالاۋدى باستادىق»، - دەدى يران شەكارا قىزمەتى باستىعىنىڭ ورىنباسارى احماد ءالي گۋدارزي.
