جاپونيانىڭ كرۋيز لاينەرىندە كوروناۆيرۋس جۇقتىرعاندار سانى 70 كە جەتتى
وسىلايشا بورتتاعى ىندەتتى جۇقتىرعانداردىڭ جالپى سانى 70 كە جەتتى. بۇل تۋرالى قازاقپارات Kyodo-عا سىلتەمە جاساپ حابارلايدى.
دەنساۋلىق ساقتاۋ، ەڭبەك جانە الەۋمەتتىك قامسىزداندىرۋ مينيسترلىگىنىڭ مالىمەتىنە سايكەس، 20 دان 70 جاسقا دەيىنگى بەس ەكيپاج مۇشەسى مەن ءبىر جولاۋشىنىڭ - ءتورت فيليپپيندىك، امەريكالىق پەن ۋكرايندىقتان وتكىر ىندەت بەلگىلەرى بايقالمايدى.
مينيسترلىك كەمەدەگى 3700 جولاۋشى مەن ەكيپاج مۇشەلەرى ىشىندەگى ىندەت جۇقتىرۋى مۇمكىن 336 ادامنىڭ اناليز تاپسىرعانىن ءمالىم ەتتى. زەرتتەۋ ناتيجەسى تاعى 6 جولاۋشىنىڭ كوروناۆيرۋس جۇقتىرعانىن انىقتادى.
50 ەلدەن جولاۋشىلارى بار كەمە دۇيسەنبىدەن بەرى كارانتيندە تۇر. وعان جولاۋشىلاردىڭ ءبىرىنىڭ گونكونگتا جاعالاۋعا شىعىپ، پنيەۆمونيانى تۋدىراتىن كوروناۆيرۋس جۇقتىرعانى سەبەپ بولدى.
جاپونيادا جاڭا ۆيرۋستى جۇقتىرعانداردىڭ جالپى سانى 96 ادامدى قۇرايدى. ونىڭ 10 ى ۋحان قالاسىنان چارتەرلىك رەيستەردەن ەۆاكۋاتسيالانعان. تاعى 16 سى - تۋريستەر مەن تۋريستىك اۆتوبۋستىڭ جۇرگىزۋشىسى.
60 جاستاعى جاپونيا ازاماتى سەنبى كۇنى ۋحان قالاسىندا كوز جۇمدى. وعان كوروناۆيرۋس سەبەپ بولۋى مۇمكىن. ەگەر كۇدىك راستالسا جاپونيادا ۆيرۋستان بولعان العاشقى ءولىم تىركەلمەك.
جەكسەنبى كۇنى گونكونگ پورتىنداعى بىرنەشە كۇندىك كارانتيننەن كەيىن 3600 جولاۋشى مەن ەكيپاج مۇشەلەرىنە World Dream كرۋيزدىك كەمەسىنەن كەتۋگە رۇقسات بەرىلدى.
ەسكە سالساق، بۇعان دەيىن جاپونياداعى كرۋيز لاينەرىندەگى 41 ادامنان كوروناۆيرۋس انىقتالعان بولاتىن.
