مەكسيكاداعى اپتاپ ىستىق 70 ادامنىڭ ءومىرىن قيىپ كەتتى

استانا. قازاقپارات - مەكسيكانىڭ تومەنگى كاليفورنيا سولتۇستىك شتاتىنداعى مەحيكالي قالاسى اۋماعىندا 70 تەن استام ادام اپتاپ ىستىق سالدارىنان كوز جۇمدى، دەپ حابارلايدى ت ا س س.

Milenio گازەتىنىڭ جازۋىنشا، 1-31- شىلدەدە اۋا تەمپەراتۋراسىنىڭ جوعارى بولۋى سالدارىنان 25-60 جاس ارالىعىنداعى 73 ادام اجا قۇشقان، ولاردىڭ التاۋىنا كۇن وتكەن.

وڭىرلىك سوت-مەديتسينالىق ساراپتاما قىزمەتىنىڭ ۇيلەستىرۋشىسى سەسار راۋل گونسالەس ۆاكانىڭ سوزىنە قاراعاندا، قايتىس بولعانداردىڭ كوبىسى جۇرەك-قان تامىرلارى جۇيەسىنە، بۇيرەك نەمەسە وكپە اۋرۋلارىنا شالدىققان.

وتكەن اپتانىڭ سوڭىندا مەكسيكانىڭ كوپتەگەن وڭىرلەرىندە اپتاپ ىستىق سالدارىنان توتەنشە جاعداي رەجىمى ەنگىزىلدى. بۇل شەشىم شتات بيلىگىنە ازاماتتارعا كومەك كورسەتۋ ءۇشىن ارنايى قور رەسۋرستارىنا قول جەتكىزۋگە مۇمكىندىك بەردى.