ديماش قۇدايبەرگەنگە قىتايدا 70 ميلليونعا جۋىق داۋىس بەرىلدى

None
None
 استانا. قازاقپارات - ديماش قۇدايبەرگەن قىتاي ينتەرنەت- كومپانيالاردىڭ ەڭ بەدەلدىسى - NetEase كومپانياسىنىڭ «ەڭ ىقپالدى سەرى» (Top Influential Idol) رەيتينگىنىڭ كەزەكتى كەزەڭىندە جەڭىمپاز اتاندى، دەپ حابارلايدى قازاقپارات ءتىلشىسى.

«بارلىق شەرۋلەردە مەن ءۇشىن داۋىس بەرىپ، ۇنەمى مەنى قولداپ، مارتەبەمدى بيىكتەتىپ جۇرەتىن تۋعان ەلىمدەگى جانە الەمنىڭ تۇكپىر- تۇكپىرىندەگى جانكۇيەر تىڭدارماندارىما مىڭ العىس! ەكى كۇندە 70 ميلليونعا جۋىق داۋىس جيناعان جەتىستىك سىزدەردىكى Dears! جەڭىمپاز مەن ەمەس، سىزدەرسىزدەر! راحمەت، dears!» ، - دەپ جازدى ءانشى Instagram-داعى پاراقشاسىندا.

ايتا كەتەيىك، بۇل ديماشتىڭ «Top Influential Idol» رەيتينگىسىندە العاش رەت بوي كورسەتۋى. رەيتينگ ءار اپتا سايىن جاڭالانىپ، رەيتينگكە ەنگەن ءار جۇلدىزدىڭ جانكۇيەرلەرى 7 كۇن بويى داۋىس بەرىپ ءار جاڭا اپتانىڭ باسىندا جەڭىمپازدى انىقتايدى. جىل سوڭىندا ەڭ كوپ اپتالىق جەڭىمپاز يەگەرى، جىلدىڭ «ەڭ ىقپالدى سەرىسى» اتانادى.

ديماش قازىرگى ۋاقىتتا 62-كەزەكتى «Top Influential Idol» رەيتينگىندە 1,09 ميلليون داۋىس جيناپ، ءۇشىنشى ورىنعا جايعاستى.

سوڭعى جاڭالىقتار