وڭتۇستىكتەگى ەتنوس وكىلدەرىنىڭ 70 پايىزى مەملەكەتتىك ءتىلدى ەركىن مەڭگەرگەن
ونىڭ ايتۋىنشا، وبلىستا 106 ەتنوس وكىلدەرى تۇرادى. سول ەتنوس وكىلدەرىنىڭ باسىم بولىگىنە ءوز انا تىلىندە ءبىلىم الۋىنا مادەنيەتى مەن سالت- ءداستۇرىن ۇستانۋعا تولىق جاعداي جاسالعان.
«وڭتۇستىك قازاقستان وبلىسى - ۇلتتار مەن ۇلىستاردىڭ ەڭ كوپ شوعىرلانۋىمەن، ەڭ باستىسى ولاردىڭ ءتىلى، مادەنيەتى، سالت- ءداستۇرىنىڭ ساقتالۋىمەن ەرەكشەلەنەدى. بۇگىندە مەملەكەتتىك ءتىلدى ەركىن مەڭگەرگەن ەتنوس وكىلدەرىنىڭ ەرەسەك تۇرعىندارىنىڭ ۇلەسى 70 پايىزدى قۇرايدى. ال وڭىردە جۇرگىزىلگەن تالداۋ جۇمىستارىنىڭ ناتيجەسىندە مەملەكەتتىك ءتىلدى ەركىن مەڭگەرگەن تۇرعىنداردىڭ ۇلەسى - 92,1 پايىز بولسا، 63 پايىزى ورىس ءتىلىن، ال، اعىلشىن ءتىلىن بىلەتىندەر - 14 پايىزعا جەتىپ وتىر»، - دەدى باسقارما باسشىسى.
سونداي- اق، باسپا ءسوز ءماسليحاتىندا سپيكەر وبلىستا 20 ەتنومادەني بىرلەستىكتەردىڭ جانىندا ون ءبىر جەكسەنبىلىك مەكتەپ جۇمىس جاسايتىنىن اتاپ ءوتتى. ياعني، ول مەكتەپتەردەگى ون بەس توپتا 1065 ەتنوس وكىلى ءوز انا تىلدەرىن وقىپ- ۇيرەنۋدە ەكەن.
جالپى وبلىستاعى بارلىق اۋدان، قالالاردا مەملەكەتتىك ءتىلدى جانە ورىس، اعىلشىن تىلدەرىن تەگىن وقىتاتىن 14 ورتالىق جۇمىس ىستەيدى. ولاردا وسى جىلدىڭ جەتى ايىندا 7209 ازامات ءبىلىم العان.
