قازاقستانعا 70 جىل بۇرىن جوعالعان جولبارىستار ورالادى
قۇجاتتى ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ پەن WWF International باس ديرەكتورى ماركو لامبەرتيني راسىمدەدى، دەپ حابارلايدى قازاقپارات.
«قازاقستان جاسىل دامۋ جولىن ۇستانادى. ءبىز ءۇشىن ءوز جەرىمىزگە جولبارىستى قايتارىپ، وسىناۋ ماڭىزدى جانە اۋقىمدى جوبانى ىسكە اسىراتىن ءبىرىنشى ەل بولۋ ۇلكەن مارتەبە. سونىمەن قاتار ءبىز ءۇشىن باعدارلاما بارىسىندا بىرەگەي ىلە- بالقاش ايماعىنىڭ ەكوجۇيەسى دە تولىعىمەن قالپىنا كەلتىرىلەتىندىگى دە ماڭىزدى بولىپ وتىر»، - دەدى اسقار مىرزاحمەتوۆ.
جوبا تابىستى جۇزەگە اسىرىلعان جاعدايدا قازاقستان جويىلىپ كەتكەن جولبارىستاردى تىرشىلىك مەكەنىنە قايتا قايتارعان تۇڭعىش ەل بولماق.
«ءبىز قازاقستان رەسپۋبليكاسىنا، ولاردىڭ كوزقاراستارى مەن كوشباسشىلىق مىنەزدەرىنە، ايبارلى جىرتقىشتى ساقتاپ قالىپ، ونى تاريحي مەكەن ەتۋ ورتاسىنا قايتارۋ بويىنشا وسىنشاما ءورشىل جانە عاجايىپ جوبانى ىسكە اسىرۋعا دايارلىعىنا تاڭ قالامىز. بۇل جابايى تابيعاتتا جولبارىستاردى ساقتاپ قالۋ باستاماسىنا قوسىلاتىن ۇلكەن ۇلەس. سونىمەن قاتار مىڭداعان ادامنىڭ ءومىرى تاۋەلدى بولىپ وتىرعان ىلە- بالقاش ايماعىن، ونىڭ بىرەگەي بيوالۋاندىلىعى مەن تابيعي قورلارىن قورعاۋداعى ماڭىزدى قادام»، - دەدى ءوز كەزەگىندە WWF International باس ديرەكتورى ماركو لامبەرتيني.
ايتا كەتەرلىگى، «ەكسپو-2017» حالىقارالىق كورمەسىندەگى نيدەرلاندى پاۆيلونىندا وتكەن شاراعا نيدەرلاندىنىڭ قازاقستانداعى ەلشىسى ديرك يان كوپ پەن رەسەيدىڭ WWF ديرەكتورى يگور چەستين قاتىسقان بولاتىن.
اۆتور: مارلان جيەمباي