08:15, 21 - تامىز 2017 | GMT +6
جاس ءوسپىرىم تاۋىپ العان 70 مىڭ دوللارلىق گاۋھارتاستى يەسىنە قايتاردى
استانا. قازاقپارات - ءۇندىستاندا 15 جاستاعى جاس ءوسپىرىم قاپ تۇبىنەن جالپى قۇنى 4,5 ميلليون رۋپي (70 مىڭ دوللار) تۇراتىن گاۋھارتاستى تاۋىپ الىپ، ونى يەسىنە قايتارىپ بەردى. بۇل تۋرالى تاسس حابارلايدى.
وقيعا ءۇندىستاننىڭ سۋرات قالاسىندا بولعان. قىمبات باعالى تاستى تاۋىپ العان ۆيشال ۋپادحاي مەن ونىڭ اكەسى بىردەن زاتتىڭ يەسىن ىزدەگەن. گاۋھارتاس سۋرات الماز قاۋىمداستىعىنا تيەسىلى بولىپ شىقتى.
جاس بالانىڭ ادالدىعىنا ريزا بولعان قاۋىمداستىق باسشىسى ۆيشالانىڭ ءبىلىم الۋىنا قارجىلاي كومەك كورسەتەتىندىگىن حابارلاپ ۇلگەردى.
«الماس قاۋىمداستىعى ۆيشالانىڭ ادالدىعى ءۇشىن ونىڭ ءبىر جىل ىشىندەگى ءبىلىم الۋ شىعىندارىن كوتەرەدى. ال ونىڭ بولاشاعى وزىنە بايلانىستى، ول ءبىر جەردى تەسىپ شىعاتىندىعىنا سەنەمىن»، - دەدى قاۋىمداستىقتىڭ پرەزيدەنتى دينەش ناۆاديا.