ورتالىق ازيادا حالىق سانى 70 ميلليونعا جەتەدى

قازاقستاننىڭ ستراتەگيالىق دامۋ ورتالىعىنىڭ ساراپشىلارى ايماقتىڭ دامۋىنا اسەر ەتەتىن 10 نەگىزگى وقيعاعا شولۋ جاسادى، دەپ حابارلادى حابار 24- تەلەارناسى.
«بىرىنشىدەن ورتالىق ازيادا دەموگرافيالىق ءوسىم دەڭگەي ۇلعايادى، - دەيدى ساراپشىلار. «ەگەر 25 جىل بۇرىن وڭىردە 51 ميلليون حالىق تۇرسا، بيىل بۇل كورسەتكىش 70 ميلليوننان اسۋى مۇمكىن. سونىمەن بىرگە بيىلعى جىلى استانادا وتەتىن حالىقارالىق ەكسپو كورمەسى، الماتىداعى بۇكىل الەمدىك ۋنيۆەرسيادا، شاڭحاي ىنتىماقتاستىق ۇيىمىنىڭ سامميتى بار. بۇعان قوسا، قىتاي مەن رەسەيدەگى ىشكى ساياسي رەفورمالاردىڭ جۇزەگە اسۋى، تۇركياداعى مەملەكەتتىك بيلىكتەگى مودەرنيزاتسيا مەن يرانداعى پرەزيدەنت سايلاۋى ايماقتاعى ساياسي-ەكونوميكالىق دامۋعا اسەر ەتپەي قويمايدى» - دەيدى وتاندىق ساياساتتانۋشىلار.
- سوسىن بيىل شولۋعا ەنگىزىپ وتىرعان تاعى ءبىر كورسەتكىش - ورتالىق ازيا ايماعىندا تۇرعىنداردىڭ 50 پايىزى كەم دەگەندە ينتەرنەتكە جانە الەۋمەتتىك جەلىلەردى كەڭىرەك قولداناتىن بولادى. بۇل دا جاڭا شىنايىلىقتى قالىپتاستىراتىن بولادى. بۇل جاعدايمەن دە جەرگىلىكتى بيلىكتەر، رەسپۋبليكالار ۇكىمەتتەرى قالاي بولعاندا دا وزدەرىنىڭ ساياساتتارىندا ەسكەرۋ كەرەك بولادى، - دەيدى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين.