بەلگىسىز بىرەۋلەر 70 كەلى التىن اكەلە جاتقان ينكاسساتورلىق كولىكتى تونادى

France Presse اگەنتتىگى قۇقىق قورعاۋ ورگاندارىنىڭ دەرەككوزىنە سىلتەمە جاساپ حابارلاعانداي، ۇرىلار 2,5 ميلليون ەۋرو تۇراتىن، جالپى سالماعى 70 كەلىلىك باعالى مەتالدى قولدى ەتكەن. بۇل جاعداي بۇگىن تۇسكە دەيىن ليونعا جاقىن اۋماقتاعى ا6 كۇرە جولىندا - پاريج بەن فرانسيانىڭ وڭتۇستىگىن بايلانىستىراتىن ورتالىق ماگيسترالدا ورىن الدى. قىلمىسكەرلەر ليوننىڭ سولتۇستىگىندەگى داردي كەنتى ماڭىنداعى تاس جولدا فۋرگوندى كۇتىپ تۇرعان. بەلگىلى بولعان دەرەكتەرگە سايكەس، ۇرىلار تورتەۋ بولعان. ولار ينكاسساتورلار ماشيناسىن تاس بەكىتىپ، بارلىق التىندى توناعان. ال، ينكاسساتورلىق جۇكتى الىپ جۇرەتىن ەكى كىسىنى فۋرگونعا قاماپ، ءورت قويعان دا وقيعا ورنىنان ىزدەرىن سۋىتقان. ىشىندە قالعان ينكاسساتورلاردى سول جەرگە دەر كەزىندە جەتكەن جاندارمدار قۇتقارىپ ۇلگەردى.