باقىتبەك ەسەنتايەۆتىڭ ءىسى بويىنشا 70 كە جۋىق ادامنىڭ ىشىنەن القا ءبي مۇشەلەرى ىرىكتەلىپ جاتىر

تالدىقورعان. قازاقپارات - تالدىقورعاندا الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا باقىتبەك ەسەنتايەۆتىڭ ءىسى بويىنشا القا بيلەر مۇشەلەرى انىقتالىپ جاتىر دەپ، حابارلايدى قازاقپارات ءتىلشىسى.

بارلىعى 70 كە جۋىق ادام سوتتان شاقىرتۋ العان.

القا بيلەر القاسىنىڭ مۇشەسى بولۋعا ۇمىتكەر بىرنەشە تالاپقا ساي كەلۋى كەرەك. كەربۇلاق اۋدانىنان كەلگەن رايا دوسپانبەتوۆانىڭ ايتۋىنشا، 3 جاسقا دەيىنگى بالاسى بارلار، دەنساۋلىق جاعدايىنا بايلانىستى ازاماتتار سوت پروتسەسىنە قاتىسۋدان باس تارتا الادى. سونداي-اق ۇمىتكەرلەر سوت پروتسەسى وتەتىن تىلدە ءوز ويىن ەركىن جەتكىزە الۋى شارت.

جالپى كەربۇلاق اۋدانى تۇرعىنىنىڭ ايتۋىنشا، القا ءبي مۇشەلەرىنە جول اقىسى بارلىعى تولەنەدى.

ەستەرىڭىزگە سالا كەتەيىك، تالدىقورعاندا باقىتبەك ەسەنتايەۆقا قاتىستى سوت وتىرىسى جابىق رەجيمدە ءوتىپ جاتىر. 10 -ماۋسىمدا كۇنى بەلگىلى پروديۋسەر، ەكى بالانىڭ اناسى بايان ماقسات قىزى بىرنەشە جەردەن پىشاقتالىپ، اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. بايان ماقسات قىزىن ءوزىنىڭ كۇيەۋى ولتىرمەك بولدى دەگەن كۇدىكپەن باقىتبەك ەسەنتايەۆ ۇستالىپ، قاماۋعا الىندى. سونداي-اق قازىرگى تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقسات قىزى دەگەن وزگەرىس ەنگىزگەن.