10:01, 26 - قىركۇيەك 2016 | GMT +6
ۆەلوسيپەد شىعارۋشى كومپانيا ونى جەتكىزۋ كەزىندە زاقىمدى 70 پايىزعا ازايتتى
استانا. قازاقپارات - ۆەلوسيپەد وندىرەتىن Vanmoof (نيدەرلاند) كومپانياسى ۇلكەن كارتون قوراپتاعى ۆەلوسيپەدتەردىڭ جەتكىزۋ كەزىندە كوپ زاقىمدالاتىنىن بايقاعان.
«جەتكىزۋمەن كىم اينالىسسا دا، ءبىزدىڭ ۆەلوسيپەدتەر ساتىپ الۋشىعا جەتكەنشە ابدەن «ءزابىر كورەتىن» سىڭايلى. بۇل ءبىزدىڭ دە، ساتىپ الۋشىلاردىڭ دا نارازىلىعىن تۋدىردى»، - دەيدى Vanmoof Bex Rad كرەاتيۆتى ديرەكتورى.
ماسەلەنى شەشۋ ءۇشىن كومپانيا ۆەلوسيپەد سالىنعان قوراپتىڭ سىرتىنا جالپاق ەكراندى تەلەديداردىڭ سۋرەتىن سالعان. وسىلايشا مۇلىكتى تاسمىالداۋ كەزىندەگى زاقىمداردىڭ كولەمى 70-80 پايىزعا ازايعان، دەپ حابارلايدى tjournal.ru.
