اقتوبەلىك جىگىت ءبىر جىل ءومىرى قالعان اكەسىنە باۋىرىنىڭ 70 پايىزىن ءبولىپ بەردى

استانا. قازاقپارات- اقتوبەدە ءبىر جىل عانا ءومىرى قالعان اكەسىنە بالاسى باۋىرىن بەرىپ، اجالدان امان الىپ قالدى دەپ حابارلايدى NUR. KZ ءتىلشىسى.
None
None

اقتوبە وبلىستىق اۋرۋحاناسىنىڭ جانساقتاۋ بولىمىندە اكەلى- بالالى ەكەۋ ەمدەلىپ جاتىر. بالاسى باۋىرىنىڭ 70 پايىزىن اكەسىنە بەرىپ، ونى ولىمنەن اراشالاپ قالعان.

«26 جاستاعى بالاسى 48 جاستاعى اكەسىن ولىمنەن اراشالاپ قالدى. اكەسى 2003 -جىلدان باستاپ باۋىر سيرروزىمەن اۋىرادى. ونىڭ باۋىرىنىڭ 20 پايىزى عانا جۇمىس جاساپ تۇردى. ناۋقاستىڭ جاعدايى وتە قيىن، ءبىر جىلداي عانا ءومىرى قالعان بولاتىن. ول بىرنەشە جىلدان بەرى دارىگەرلەردىڭ باقىلاۋىندا ءجۇر. بالالارىنىڭ دونور بولعانىن ءوزى قالاعان جوق. اعاسى، ءىنىسى نەمەسە اپكەلەرى دونور بولسا ەكەن دەپ ءجۇردى. ءبىراق ولاردىڭ بىرەۋىنىڭ جاعدايى كەلمەدى، ەكىنشىسىنىڭ دەنساۋلىعى جارامادى. اكەسىنە دونور بولامىن دەپ ەكى بالاسى كەلدى»، - دەيدى حيرۋرگ- ترانسپلانتولوگ ەرماحان اسىلحان ۇلى.

دارىگەرلەر ۇلكەن بالاسى قاتتى ارىق بولعاندىقتان دونور بولۋعا جاراماعاندىعىن ايتادى. ەكىنشى بالاسىنىڭ باۋىرى تالاپقا ساي كەلگەن.

«ۇلكەن بالاسىنىڭ باۋىرى 1100 گ ر بولدى. ودان 700 گ ر الساق وزىندە 30 پايىزدان تومەن قالادى. ول ونىڭ ءوز ومىرىنە قاۋىپ ءتوندىرۋى مۇمكىن. سوندىقتان 1300 گ ر باۋىرى بار كىشى بالاسى دونور بولدى. بالاسى اكەسىنىڭ ءومىرىن كەمىندە 15 جىلعا ۇزارتىپ تۇر. ەگەر ادام ءوز دەنساۋلىعىنا كۇتىممەن قاراسا، ءومىر ءسۇرۋ ۇزاقتىعى ودان دا كوپ بولۋى مۇمكىن. ىشىمدىك ىشپەي، تەمەكى تارتپاي، ءدارىنى ۋاقىتىلى قابىلداپ جۇرسە، باۋىرى دا ۇزاق جۇمىس ىستەيتىن بولادى»، - دەيدى ترانسپلانتولوگ.

وتا التى ساعاتقا سوزىلعان. اكەسىنە دونور بولعان 26 جاستاعى جىگىتتىڭ ەكى بالاسى بار. تۋىسقاندارى وتا جاسالعان كۇنى اۋرۋحانانىڭ ەسىگىن كۇزەتىپتى. باۋىر الماستىرۋ ترانسپلانتاتسياسىن سەۋل ۋنيۆەرسيتەتىنەن كەلگەن كۆان ۆۋنگ لي مەن قازاقستاندىق پروفەسسور جاقسىلىق دوسقاليەۆ (بۇرىنعى دەنساۋلىق ساقتاۋ ءمينيستىرى) جاساعان.

«قازاقستان بويىنشا باۋىر ترانسپلانتاتسياسىنا مۇقتاج 500 دەن اساتىن ناۋقاس بار. دونور تابا الماي جۇرگەن ادامدار كوپ. تۋىسقاندارىنا باۋىرىن بەرگىسى كەلمەيتىندەر وتە كوپ. كەيبىرەۋلەر «تۋىسقانىما قيىندىق اكەلگىم كەلمەيدى» دەپ ءوزى العىسى كەلمەيدى»، - دەيدى دارىگەر.

بۇل اقتوبەدە ءۇشىنشى رەت جاسالىپ تۇرعان باۋىر ترانسپلانتاتسياسى. جىل باسىنان بەرى وبلىستا ءۇش رەت باۋىر، 10 رەت بۇيرەك الماستىرىلعان.

«ءبىزدىڭ ماقساتىمىز - قاراپايىم حالىق تەگىن كومەككە جۇگىنە الاتىنىن بىلسە ەكەن دەيمىز. باۋىر سالۋ وتاسى 20-21 ميلليون تەڭگەگە شىعادى. وسى وتانى جاساعانى ءۇشىن ءبىزدىڭ اۋرۋحاناعا 21 ميلليونداي قارجى قازىنادان بەرىلەدى. ونىڭ ىشىندە حيرۋرگتاردىڭ ەڭبەگى، كۇتىم، ءدارى- دارمەك، كوممۋنالدىق قىزمەت بار. 20 ميلليون تەڭگەنى قاراپايىم اۋىل تۇرعىنى قايدان تابادى؟ بۇل مەملەكەتتىڭ حالىققا جاساپ جاتقان قامقورلىعى. ءبىز سونى جەتكىزە ءبىلۋىمىز كەرەك. قازاقستاننىڭ كەز كەلگەن تۇرعىنى وسىنداي كومەك الا الادى»، - دەيدى وبلىستىق اۋرۋحانانىڭ باس دارىگەرى سامات دانياروۆ.

دارىگەرلەر جىگىتتىڭ باۋىرى 2-3 ايدا قالىپقا كەلەتىنىن ايتادى.

Ақтөбелік жігіт бір жыл өмірі қалған әкесіне бауырының 70 пайызын бөліп берді (фото)

سوڭعى جاڭالىقتار