الماتى وبلىسىندا 70 تەن اسقان قاريا تروپيكالىق جەمىستەر وسىرە باستادى
قاريا كاسىبىن بالالارىنا ۇيرەتىپ، مۇسىلمان ەلدەرىندە سۇرانىسقا يە جەمىستەردى ىشكى نارىققا شىعارۋدى جوسپارلاپ وتىر.
- مىنا اناردى 3 جىل بۇرىن وتىرعىزىپ ەدىم، مىنە بيىل جەمىس بەردى. ەندى ونى 1-2 گ ا جەرگە كوبەيتەمىن.
نۇراددين اقساقالدىڭ اتا- باباسى وزبەكستاندا باۋ- باقشانى كاسىپ ەتكەن. اكەسى سونداعى بيلەۋشىلەردىڭ ءبىرىنىڭ سارايىندا جەكە باعبانى بولىپتى. كەيىپكەرىمىز سەكسەنىنىشى جىلدارى اتامەكەنگە قونىس اۋدارعان سوڭ، اۋىل شارۋاشىلىق سالاسىندا ەڭبەك ەتكەن. زەينەتكە شىققان سوڭ 10 گەكتار جەرگە جەمىستىڭ ءتۇر- ءتۇرىن ەگەدى. ادەتتە ىستىق ەلدەردەن كەلەتىن ءىنجىر، قۇرما جانە انار جەمىسىن وزىمىزدە جەرسىندىرە باستاپتى.
- مىنا قاۋىننىڭ سورتى تاشكەنتتە بار. تەز شىعادى. بۇل وتىرعىزعان سوڭ 60 كۇندە پىسەدى. ال مەنىكى ءوزىم بۋدانداستىرعان جاڭا سورتى 50 كۇندە شىعادى.
باعبان قاۋىن مەن ءجۇزىمنىڭ قىستا جاقسى ساقتالاتىن تۇرلەرىن ءوسىرۋدى دە جولعا قويعان. جەمىستىڭ كەش پىسەتىن سۇرىپتارىن كەلەسى كوكتەمگە دەيىن ساقتاپ، ساۋداعا شىعارادى. بۇل دا قاجىرلى ەڭبەك پەن ۋاقىتتى تالاپ ەتەدى، دەيدى ول.
نۇراددين ماتكارىم، باعبان:
قازىر ءجۇزىمنىڭ 7 ءتۇرى بار. دۇنيەدە جوق تۇرلەرىن شىعارىپ جاتىرمىن. ونىڭ ۇزىندىعى مىنانداي، قىزىل بولادى. قۇداي قالاسا، كەلەسى سەنتيابردە نارىققا شىعادى. ونداعى ويىم: ادامدار جەسىن، ءوزىم دە تيىن- تەبەن تابامىن. قۇرمانىڭ 2 ءتۇرى، ءىنجىردىڭ 2 ءتۇرى شىعىپ تۇر. كەلەسى جىلى ءونىم بەرەدى.
بوتانيك- ماماننىڭ ايتۋىنشا، ءىنجىردىڭ وتانى - جەرورتا تەڭىزىنىڭ ماڭايى. قۇرمانىڭ ءبىر تۇرىنە جاتاتىن جەمىستى قازاق جەرىندە دە وسىرۋگە بولادى ەكەن. ول ءۇشىن قولايلى جاعداي مەن زەرتحانالىق نەگىزدەمەلەر جاسالۋى قاجەت.
سەرگەي چەكالين، ق ر بوتانيكا ينستيتۋتىنىڭ زەرتحانا مەڭگەرۋشىسى:
ەڭ باستىسى - تەمپەراتۋرالىق تەپە- تەڭدىك بولۋى ءتيىس. تروپيكالىق وسىمدىكتەر ىستىقتى جاقسى كورەدى، ال بىزدە اۋا ىلعالدى. قىسقاسى، ءتيىستى جاعداي جاسالسا، ءبىزدىڭ جەردە وسپەيتىن جەمىس جوق.
توپىراق قۇرامىنا دا كوپ نارسە بايلانىستى. ۇنەمى ەڭبەك ەتىپ، ىلعي قيمىل- قوزعالىستا جۇرەتىن قاريا بالالارى مەن نەمەرەلەرىن دە باۋ- باقشانى كۇتىپ باپتاۋعا باۋلىپ ءجۇر. شارۋاقور جان 5 گەكتار جەرگە اق جۇگەرى، قىزانىق جانە قيار ەگىپ، ودان دا مول ءونىم الامىن دەپ ۇمىتتەنەدى. ال سۋبتروپيكالىق جەمىستەردىڭ القابىن كەڭەيتۋگە مەملەكەتتەن قولداۋ بولسا، الداعى جىلدارى الماتى بازارلارىنان جەرگىلىكتى جەمىستىڭ ءدامىن تاتۋعا مۇمكىندىك بار، - دەيدى اقساقال.
ASTANATV. KZ
