استانادا اتى اڭىزعا اينالعان عارىشكەر توقتار اۋباكىروۆتى 70 جىلدىعىمەن قۇتتىقتادى - فوتو
مەرەيتوي يەسىن قۇتتىقتاۋعا اقمولا وڭىرلىك گارنيزونىنىڭ اسكەري قىزمەتشىلەرى كەلدى، ولاردىڭ ىشىندە قازاقستاننىڭ اسكەري-اۋە كۇشتەرىنىڭ ۇشقىشتارى دا بار. شاراعا اسكەري ۇشقىش، اسكەري ۇشاقتاردى سىناقتان وتكىزۋشى - قازاقستاندىق توقتار اۋباكىروۆتىڭ قالىپتاسۋ جولىن باقىلاعان ك س ر و اسكەري اۆاتسيا ارداگەرلەرى، كەڭەس وداعىنىڭ، رەسەي فەدەراتسياسى مەن ەۋرووداق ەلدەرىنىڭ ۇشقىش-عارىشكەرلەرى كەلدى، دەپ حابارلادى ق ر قورعانىس مينيسترلىگى باسپا ءسوز قىزمەتىنەن.
مەرەيتوي يەسىنىڭ قۇرمەتىنە ۇلتتىق اسكەري-پاتريوتتىق ورتالىقتا قازاقستان ەسترادا جۇلدىزدارىنىڭ قاتىسۋىمەن كونسەرت ءوتتى. اسكەري ۇشقىش، عارىشكەر، قازاقستاننىڭ حالىق باتىرى جولىنىڭ قالاي باستالعانىن قوناقتار قارۋلى كۇشتەر مۇراجايىنىڭ زالدارىنىڭ بىرىندە ۇيىمداستىرىلعان فوتوكورمە ارقاسىندا ەسكە ءتۇسىرىپ، مۇقيات تانىستى.
توقتار اۋباكىروۆ - اسكەري ۇشقىش قانا ەمەس، ول تۇڭعىش قازاق عارىشكەرى. 1991 -جىلى 2 -قازاندا ەكيپاج قۇرامىندا «سويۋز ت م-13» كەمەسىندە عارىشكەر زەرتتەۋشى رەتىندە ول عارىشقا اتتاندى. وندا 7 كۇن 22 ساعات، 13 مينۋت بولدى. كەيىننەن اۋباكىروۆ مەملەكەتتىك قىزمەتتە جۇمىس اتقاردى، ءار جىلدارى ق ر مەملەكەتتىك قورعانىس كوميتەتى ءتوراعاسىنىڭ ءبىرىنشى ورىنباسارى، ق ر پرەزيدەنتىنىڭ عارىشتى يگەرۋ جونىندەگى كومەكشىسى بولعان.
عارىشكەر جاس ۇشقىشتارمەن تاجىريبەسىن ءبولىسىپ كەلەدى. قازاقستان ا ا ك وفيتسەرلەرى ءۇشىن عارىشكەر، ەڭبەك سىڭىرگەن سىناقشى- ۇشقىش توقتار اۋباكىروۆ - ۇلگى تۇتار ازامات.
