بۇگىن - اقىن، اۋدارماشى كەڭشىلىك مىرزابەكوۆتىڭ تۋعانىنا 70 جىل

استانا. قازاقپارات - 70 جىل بۇرىن (1946-1989) جۋرناليست، اقىن، اۋدارماشى مىرزابەكوۆ كەڭشىلىك اعىتاي ۇلى دۇنيەگە كەلگەن.

قوستاناي وبلىسىنىڭ جانگەلدين اۋدانىندا تۋعان. ءال- فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.

 1966-1989 -جىلدارى قوستاناي وبلىستىق «كوممۋنيزم تاڭى» (قازىرگى «قوستاناي تاڭى» )، «لەنينشىل جاس» (قازىرگى «جاس الاش» )، الماتى وبلىستىق «جەتىسۋ»، «سوتسياليستىك قازاقستان» (قازىرگى «ەگەمەن قازاقستان» ) گازەتتەرىندە، «جازۋشى» باسپاسىندا، «مادەنيەت جانە تۇرمىس» (قازىرگى «پاراسات» ) جۋرنالىندا قىزمەتتەر اتقاردى.

اقىننىڭ العاشقى جيناعى «ىڭكار دۇنيە» دەگەن اتپەن 1972 -جىلى باسپادان شىقتى. ونىڭ «بالالىق شاق باللادالارى»، «قاسيەتتى قاس قاعىم»، «اۋىل مەن استانا»، «ءداۋىر - داستان»، «ءسارۋار»، «ءبىر مىسقال»، «جولعا سالدىم كوشىمدى»، «مەنىڭ مۇڭىم - ماحاببات» سەكىلدى جىر جيناقتارى وقىرمان قاۋىمعا جاقسى تانىس. ول ەۆگەني ەۆتۋشەنكونىڭ «مەنىڭ شەشەم جانە نەيترون بومباسى»، «فۋكۋ» اتتى پوەمالارىن قازاق تىلىنە اۋداردى. 1996 -جىلى اقىن جايىندا «قايران، كەڭشىلىك!» اتتى ەستەلىك كىتاپ جارىققا شىقتى.