جامبىلدىق كاسىپورىن تاۋلىگىنە 70 توننا ماكارون ونىمدەرىن شىعارماق

استانا. قازاقپارات - جامبىل وبلىسى قىزىل جۇلدىز اۋىلىنداعى ماكارون جانە ۇن فابريكاسى ونىمدەرىن ت م د ەلدەرى مەن اۋعانستان نارىعىنا شىعارا باستادى، دەپ حابارلايدى 24.kz تەلەارناسى.

كاسىپورىن تولىقتاي وزىق تەحنولوگيامەن جاراقتاندىرىلعان. مەملەكەت قولداۋىنىڭ ارقاسىندا الىنعان قوندىرعىلار ۇنەمدى ءارى جاڭا. بۇل ەلەكتر ەنەرگياسىنا كەتەتىن شىعىندى ازايتىپ، ءونىم كولەمىن ەسەلەۋگە مۇمكىندىك بەردى. العاشىندا مۇندا تەك 25 ادام جۇمىس ىستەگەن. جاقىندا جاڭا قۇرال- جابدىقتار الىنىپ، سەح كەڭەيگەلى ماماندار سانى 165 كە جەتتى. قازىر تاۋلىگىنە 40 توننا ماكارون ونىمدەرىن شىعارادى.

«تاجىكستان مەن اۋعانستان، رەسەيگە جىبەردىك. ەگەر باستاما جاقسى بولسا، ءبىز تاعى دا قۇرال- جابدىق قويامىز. قازىر تاۋلىگىنە 40 توننا شىعارىپ جاتساق، تسەح ىسكە قوسىلسا، 70 توننا شىعارامىز»، دەيدى فابريكا ديرەكتورى تۇرسىنبەك نۇربايەۆ.