10:31, 21 - مامىر 2016 | GMT +5
الماتى وبلىسىندا وزبەكستاننان كەلگەن 70 تەن استام كەلىمسەكتەر انىقتالدى
تالدىقورعان. قازاقپارات - پانفيلوۆ اۋدانى پروكۋراتۋراسىنىڭ قىزمەتكەرلەرى پوليتسەيلەرمەن بىرگە وتكىزگەن رەيدتىك شارانىڭ بارىسىندا جاركەنت قالاسىنىڭ سالىنىپ وتىرعان نىسانداردىڭ بىرىندە ەڭبەك قىزمەتىن زاڭسىز جۇزەگە اسىرعان 73 وزبەكستاندىق ازاماتتى انىقتادى.
پانفيلوۆ اۋدانىنىڭ پروكۋرورى ايدىن تورەبەكوۆتىڭ حابارلاۋىنشا، شەتەلدىكتەردىڭ قۇجاتتارىن تەكسەرۋ كەزىندە ولاردىڭ قازاقستان رەسپۋبليكاسىندا ەڭبەك قىزمەتىن زاڭسىز تۇردە - جۇمىسقا ورنالاسۋ رۇقساتىن الۋسىز جۇزەگە اسىرعانى انىقتالدى.
«تەكسەرۋ قورىتىندىلارى بويىنشا ءبىز پانفيلوۆ ا ءى ءى ب باستىعىنىڭ اتىنا زاڭدىلىقتىڭ بۇزىلۋىن جويۋ تۋرالى ۇسىنىس ەنگىزدىك. كىنالى تۇلعالارعا قاتىستى اكىمشىلىك حاتتامالار تولتىرىلىپ، سوت قاراۋىنا جىبەرىلدى»، - دەپ ءتۇسىندىردى ا. تورەبەكوۆ.
جوعارىدا اتالعان ازاماتتار ايىپتى دەپ تانىلىپ، قازاقستان رەسپۋبليكاسى اكىمشىلىك قۇقىق بۇزۋشىلىقتار تۋرالى كودەكسىنىڭ 517-بابىنىڭ 5-بولىمىمەن اكىمشىلىك جاۋاپكەرشىلىككە تارتىلدى.
