بەيجىڭدە باسىن 70 سانتيمەترلىك جەبە تەسىپ وتكەن ءيت قۇتقارىلدى - كەسكىن

استانا. قازاقپارات - بەيجىڭدە جانۋار قورعاۋشىلار بەيسەنبى، 19 -مامىردا، قالانىڭ سولتۇستىك- شىعىسىندا «798 ونەر ايماعى» بويىنشا باسىندا 70 سانتيمەترلىك جەبەمەن جۇرگەن قاڭعىباس قارا ءيتتى قۇتقاردى، دەپ حابارلادى The South China Morning Post گازەتى.

ءيتتىڭ ماڭايىنا كومەكتەسكىسى كەلەتىن ادامدار جينالىپ قالعان، الايدا ول جۇرتتان قورقىپ، قاشقاقتاي بەردى. جەبەدەن قۇتىلعىسى كەلگەن بايعۇس باسىن جەرگە سۇيكەي بەردى، دەپ حابارلادى كۋاگەرلەر The Beijing News گازەتىنە. جانى اشىعان ادامدار پوليتسيا مەن ۆەتەرينار شاقىرعاندا، ءيت كورشى تۇيىق كوشەگە قاشىپ كەتتى.

ونى اراادا ەكى ساعات ۋاقىت وتكەن سوڭ تاپتى. «جەبە ءدال كوزىنىڭ تۇسىنان تەسىپ وتكەن. جاراسى اۋىر، الايدا ميى زاقىمدانباعان»، - دەدى ۆەتەرينار. ءيت كلينيكاعا جەتكىزىلدى، ونىڭ ومىرىنە ەش قاۋىپ جوق.