الماتى اكىمى 70 تەن استام مەكتەپ وقۋشىسىنا «ۇركەر» توسبەلگىسىن تابىس ەتتى

الماتى. قازاقپارات - بۇگىن الماتى قالاسىنىڭ اكىمى باۋىرجان بايبەك 9-11 -سىنىپ وقۋشىلارىنا سالتاناتتى جاعدايدا «ۇركەر» توسبەلگىسىن تابىس ەتتى.

بۇل بەلگىگە 2015-2016 -جىلعى وقۋ جىلىندا جالپى ءبىلىم بەرۋ پاندەرى بويىنشا رەسپۋبليكالىق جانە حالىقارالىق وليمپيادالاردىڭ 77 جۇلدەگەرى يە بولدى.

قالا باسشىسى ءوز سوزىندە ۇزدىك وقۋشىلاردىڭ «ۇركەر» توسبەلگىسىنە يە بولىپ جاتقاندىعى ەلىمىزدە ءبىلىم ساپاسىنىڭ ارتىپ كەلە جاتقاندىعىن كورسەتەتىندىگىن اتاپ ءوتتى.

«سوڭعى بەس جىل ىشىندە قالادا ءبىلىم سالاسىن قارجىلاندىرۋ ەكى ەسە ارتتى، ءسويتىپ 57 ميلليارد تەڭگەدەن استى. قالا اۋماعىنىڭ ۇلعايىپ جاتقانىنا قاراماستان، 2020 -جىلعا قاراي، بالالاردى بالاباقشامەن 100 پايىز قامتاماسىز ەتۋدى جوسپارلانىپ وتىرمىز»، - دەدى ب. بايبەك.

سونىمەن قاتار، قالا باسشىسىنىڭ ايتۋىنشا، تابىسقا جەتەلەيتىن ءۇش نەگىزگى فاكتور بار. ولار: تاربيە، ءبىلىم جانە ەڭبەك.

«بۇلاردىڭ بارلىعى سىزدەردىڭ بويلارىڭىزدا بار. سوندىقتان، سىزدەرگە وقۋدا جاڭا تابىستار تىلەيمىن»، - دەدى ب. بايبەك.

ايتا كەتەلىك، مامانداندىرىلعان قازاق- تۇرىك مەكتەپ- ينتەرناتىنا بيىل ەكىنشى رەت «ۇركەر» بەلگىسى تابىس ەتىلدى. ويتكەنى، ءار ءتۇرلى پاندىك وليمپيادالاردا جۇلدە العان وقۋشىلاردىڭ كوپشىلىگى وسى وقۋ ورنىندا ءبىلىم الادى.

«ءبىزدىڭ مەملەكەت باسشىلىعىنا ايتار العىسىمىز شەكسىز. قازىر ءبىلىم سالاسىندا لايىقتى ءبىلىم الۋعا بارلىق جاعداي جاسالىپ جاتىر. سونىمەن قاتار، قاجىرلى ەڭبەكتەرى ءۇشىن وقىتۋشىلارعا جانە قولداۋ كورسەتكەندەرى ءۇشىن اتا- انالارىمىزعا ريزامىز»، - دەدى اتالمىش وقۋ ورنىنىڭ وقۋشىسى عالىمجان بالتاباي.

اۆتور: ايبوتا جاپپاربەرگەن