17:18, 20 - ءساۋىر 2016 | GMT +5
بيىل ماڭعىستاۋ وبلىسىندا جەتىم بالالار ءۇيىنىڭ بۇرىنعى 70 تۇلەگى باسپانالى بولادى
اقتاۋ. قازاقپارات - بۇگىنگى باسپا ءسوز ءماسليحاتى بارىسىندا ماڭعىستاۋ وبلىسىنىڭ اكىمى اليك ايداربايەۆقا قويىلعان ساۋالداردىڭ ءبىرى جەتىم بالالاردى، ونىڭ ىشىندە جەتىم بالالار ۇيلەرىنىڭ تۇلەكتەرىن باسپانامەن قامتاماسىز ەتۋ بولدى.
«تولىقتاي العاندا، سوڭعى 10 جىلدا 278 جەتىم بالا پاتەرگە يە بولدى. ونىڭ جۇزدەن استام، ياعني، جارتىسىنا جۋىعى سوڭعى 2 جىلدا باسپانا الدى. قازىرگى ۋاقىتتا وبلىس بويىنشا پاتەر الۋ كەزەگىندە بالالار ۇيلەرىنىڭ 135 تۇلەگى تۇر. ونىڭ جارتىسى وسى جىلدىڭ ىشىندە باسپانالى بولادى»، - دەدى ا. ايداربايەۆ.
دەمەك، ءوڭىر باسشىسىنىڭ ايتۋىنشا، 2016 -جىلى بالالار ۇيلەرىنىڭ بۇرىنعى 70 تەن استام تۇلەگى وسى جىلى قونىس تويىن تويلايدى.
اۆتور: مارلان جيەمباي
