دزيۋدو: الماتىدا الەمنىڭ 70 تەن استام ەلىنىڭ بالۋاندارى باق سىنايدى
بۇل دوداعا الەمنىڭ 70 تەن استام ەلىنەن سپورتشىلار قاتىسادى دەپ جوسپارلانعان. بۇگىنگى تاڭدا 76 مەملەكەتتىڭ سپورتشىلارى جارىسقا قاتىسۋعا ءوتىنىش ءبىلدىردى، دەپ حابارلادى ق ر دزيۋدو فەدەراتسياسىنىڭ باسپا ءسوز قىزمەتىنەن.
حالىقارالىق دزيۋدو فەدەراتسياسىنىڭ ەرەجەسىنە سايكەس، الاڭ يەلەرى ءار سالماق دارەجەسى بويىنشا ءتورت سپورتشىعا دەيىن قاتىستىرا الادى.
«Grand Prix» بالۋان شولاق اتىنداعى سپورت سارايىندا 13- مامىردا ساعات 10:00 باستالىپ، فينالدىق كەزدەسۋ ساعات 17:00 وتەدى. 13- مامىر ساعات 16:30 دە تۋرنيردىڭ رەسمي اشىلۋى بولادى. ال، وعان دەيىن ساعات 15:00 دزيۋدو اكادەمياسىنىڭ اشىلۋ سالتاناتى جوسپارلانعان. جەرەبە تارتۋ ءراسىمى 12- مامىر ساعات 14:00 دە وتكىزىلەدى. جەرەبە تارتۋ ءراسىمى اياقتالعاننان سوڭ ب ا ق وكىلدەرىنە ارنالعان رەسمي باسپا ءسوز ءماجىلىسى وتپەك.
جارىستىڭ جالپى جۇلدە قورى 100000 دوللار. جارىس قورىتىندىسى بويىنشا ءبىرىنشى ورىن العان دزيۋدوشىعا 2400، باپكەرىنە 600 دوللار بەرىلسە، ەكىنشى ورىن ءۇشىن بالۋان 1600، باپكەرى 400 دوللار الادى، ال قولا مەدال يەگەرى 800 دوللارمەن ماراپاتتالادى، جاتتىقتىرۋشىسىنا 200 دوللار سوماسىندا قارجىلاي سىيلىق تابىستالادى.
سونىمەن قاتار، «Grand Prix» جارىسى اياسىندا دزيۋدو اكادەمياسى رەسمي تۇردە اشىلماق. دزيۋدو اكادەمياسىنىڭ سالتاناتتى اشىلۋ راسىمىنە ق ر مادەنيەت جانە سپورت ءمينيسترى ارىستانبەك مۇحامەدي ۇلى، الماتى قالاسىنىڭ اكىمى باۋىرجان بايبەك، حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر جانە قازاقستان دزيۋدو فەدەراتسياسىنىڭ پرەزيدەنتى كەڭەس راقىشەۆ قاتىسادى.
جاڭادان اشىلاتىن دزيۋدو اكادەمياسى حالىقارالىق ستاندارتقا ساي بولماق. سپورت كەشەنىندە ءتورت تاتاميگە ارنالعان زال، جاتتىعۋ زالى، 100 ورىندىق جاتاقحانا مەن اسحاناسى ورنالاسادى. وندا قازاقستان ۇلتتىق قۇراماسىمەن قاتار، جاس دزيۋدوشىلار دا جاتتىعاتىن بولادى. اكادەميادا حالىقارالىق جاتتىعۋ جيىنى، سەمينارلار مەن شەت ەلدىك ماماندارمەن بىرلەسە ءار-ءتۇرلى شەبەرلىك سىنىپتارى ۇيىمداستىرىلماق.
ەستەرىڭىزگە سالايىق، اكادەميانىڭ العاشقى تاسىن قالاۋعا حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر مەن قازاقستان دزيۋدو فەدەراتسياسىنىڭ پرەزيدەنتى كەڭەس راقىشەۆ قاتىسقان بولاتىن.
اۆتور: مارلان جيەمباي
