ءازىربايجان 70 ارميان اسكەريىنىڭ جويىلعانىن مالىمدەدى
بۇل تۋرالى ريا نوۆوستي اگەنتتىگىنە ءازىربايجاننىڭ قورعانىس مينيسترلىگىنىڭ باسپا ءسوز قىزمەتىنىڭ جەتەكشىسى ۆاگيف دارگياحلى حابارلادى.
دارگياحلى ارمەنيانىڭ قارۋلى كۇشتەرىنىڭ ءبىر تاۋلىكتىڭ ىشىندە ءازىربايجاننىڭ قاراباقتاعى شەكتەسۋ ايماعىنداعى پوزيتسيالارىن مينومەتتەن 120 رەت اتقىلاعانىن مالىمدەدى. «ءازىربايجان پوزيتسيالارىنا، تەرتەر، اگدام، فيزۋلين باعىتىنداعى ەلدى مەكەندەرگە ءىرى كاليبرلى پۋلەمەتتەردەن، 60, 82,120 ميلليمەترلى مينومەتتەردەن، گراناتومەتتەردەن، ءبىر تاۋلىكتە 120 رەت وق اتتى. ءازىربايجاننىڭ قارۋلى كۇشتەرى مايدان شەبىندەگى جاعدايدى جانە سەنبى كۇنى بوساتىلعان تەرريتوريالاردى باقىلاپ وتىر»، - دەپ اتاپ ءوتتى دارگياحلى.
ال ەريەۆان ءازىربايجان قارۋلى كۇشتەرىنىڭ ارمەنيانىڭ ەلدى مەكەندەرىن اتقىلاپ جاتقانىن مالىمدەپ وتىر. «وتكەن ءتۇنى جانە بۇگىن تاڭعى ۋاقىتتان بەرى ارميان-ءازىربايجان شەكاراسىندا شيەلەنىسكەن اسكەري قاقتىعىستىڭ وسكەنى بايقالدى. تاۆۋش وبلىسىنداعى بەرديەۆان مەن كوتي اۋىلدارىنا وق اتىلىپ جاتىر»، - دەپ جازدى ارمەنيانىڭ قورعانىس مينيسترلىگىنىڭ باسپا ءسوز حاتشىسى ارتسرۋن وۆاننيسيان Facebook جەلىسىندەگى پاراقشاسىندا.
سونىمەن قاتار، ول ءازىربايجان اسكەريلەرىنىڭ قاراباققا قارسى دۇركىندەتە اتاتىن «سمەرچ» رەاكتيۆ جۇيەسىن جانە Harop يزرايلدىك سوققى درونىن قولدانعانىن مالىمدەدى.
قازاقستان س ءى م تاۋلى كاراباق اۋماعىنداعى جاعدايعا قاتىستى مالىمدەمە جاساعان بولاتىن. «قازاقستان رەسپۋبليكاسىنىڭ سىرتقى ىستەر مينيسترلىگى تاۋلى كاراباققا قاتىستى جاعدايدى مۇقيات باقىلاۋدا. جانجال اۋماعىندا وق اتۋدى توقتاتۋ ءتارتىبىنىڭ بۇزىلۋىنا جانە ادامداردىڭ قازا بولۋىنا قاتتى الاڭداۋشىلىق بىلدىرەمىز. تاراپتاردى ۇستامدىلىق تانىتۋعا جانە وق اتۋدى توقتاتۋ تۋرالى ۋاعدالاستىقتاردى قاتاڭ ۇستانۋعا شاقىرامىز»، - دەلىنگەن مينيسترلىك وكىلدەرىنىڭ مالىمدەمەسىندە.
tengrinews.kz
