استاناداعى «بايتەرەك» مونۋمەنتى ب ۇ ۇ- نىڭ 70 جىلدىعىنا ارنالعان اكسياعا قاتىستى - فوتو

استانا. قازاقپارات - بىرىككەن ۇلتتار ۇيىمىنىڭ جەتپىس جىلدىعىنا وراي وتكىزىلگەن «الەمدى ب ۇ ۇ- نىڭ كوگىلدىر تۇسىنە بويا» اتتى جاھاندىق اكسيا اياسىندا استاناداعى «بايتەرەك» مونۋمەنتى وسى ناۋقانعا قوسىلدى.

بۇل تۇرعىدا ەلوردانىڭ سيمۆولى ۇيىم مەرەكەسىنە وراي ب ۇ ۇ- نىڭ تۋى تۇستەس كوگىلدىر جارىقتارمەن تۇرلەندى.

 اتاپ ايتقاندا، بۇل اكسياعا 200 دەن استام الەمدىك تانىمال عيماراتتار، مۇراجايلار، كوپىرلەر جانە باسقا دا نىساندار قاتىسۋدا. ۇيىمداستىرۋشىلاردىڭ ايتۋىنشا، بۇل ناۋقانعا قاتىسۋ - دۇنيەءجۇزىنىڭ ازاماتتارىن بىرىكتىرۋگە، بەيبىتشىلىك پەن دامۋ جانە ادام قۇقىقتارى تۋرالى ۇندەۋدى تاراتۋعا جاردەمدەسۋگە، سونداي- اق بارلىعىنا ورتاق لايىقتى ءومىر ءسۇرۋ مەن گۇلدەنۋ يدەيالارىن ناسيحاتتاۋعا بىرەگەي مۇمكىندىگىن بەرەدى.

 ايتا كەتەيىك، ب ۇ ۇ 1945 - جىلى 24 - قازاندا قۇرىلدى. قازىرگى كەزدە ۇيىمعا قاتىسۋشى 193 مەملەكەت بار. ب ۇ ۇ ءوز قىزمەتىندە بۇكىل الەمدە بەيبىتشىلىك پەن قاۋىپسىزدىكتى ساقتاۋ، ۇلتتار اراسىنداعى دوستىق قاتىناستاردى دامىتۋ، حالىقارالىق ماسەلەلەردى شەشۋدە حالىقارالىق ىنتىماقتاستىقتى جۇزەگە اسىرۋ مەن ادام قۇقىعىن قۇرمەتتەۋدى قولداۋ، وسىعان قول جەتكىزۋدە ۇلتتاردىڭ بىرلەسىپ ارەكەت ەتەتىن ورتالىعى بولۋ ماقساتتارىن كوزدەيدى.

 تاۋەلسىز قازاقستان تاريحىندا 1992 - جىلدىڭ 2 - ناۋرىزى قازاقستاننىڭ بىرىككەن ۇلتتار ۇيىمىنا مۇشەلىككە قابىلدانۋىمەن ەرەكشەلەنەدى. ەلىمىز ب ۇ ۇ باس اسسامبلەياسىنىڭ 46- سەسسياسىندا ۇيىمنىڭ جاڭا مۇشەسى رەتىندە عانا ەمەس، قازىرگى زاماننىڭ ەڭ وزەكتى حالىقارالىق پروبلەمالارى بويىنشا بەلسەندى پوزيتسيا ۇستاناتىن مەملەكەت رەتىندە مۇشە بولدى.