الەم حالقى ەكىنشى دۇنيەجۇزىلىك سوعىستىڭ اياقتالۋىنىڭ 70 جىلدىعىن اتاپ وتۋدە

استانا. قازاقپارات - لوندوندا ەكىنشى دۇنيەجۇزىلىك سوعىستىڭ اياقتالۋىنىڭ 70 جىلدىعىنا وراي سالتاناتتى شارالار ءوتىپ جاتىر.
None
None

1945 -جىلدىڭ 15 -تامىزىندا جاپونيا كاپيتۋلياتسيا جونىندە مالىمدەگەن بولاتىن.

ترافالگار الاڭىنداعى شىركەۋدە وتكەن شاراعا ۇلى بريتانيا حانشايىمى II ەليزاۆەتا، ونىڭ جۇبايى فيليپپ حانزادا، پرەمەر-مينيستر دەۆيد كەمەرون جانە باسقا دا لاۋازىمدى تۇلعالار مەن اسكەري قىزمەتشىلەر، تۇتقىندا بولعان ساربازدار، ت. ب. قاتىستى. بۇل كۇنى سوعىس كەزىندە مايدان الاڭىندا قازا تاپقاندار مەن تۇتقىنعا ءتۇسىپ، قاسىرەت كەشكەن جانداردى دوستارى، تۋعان- تۋىستارى ەسكە الدى.

سونداي-اق بۇگىن ەسكە الۋ شارالارى جاپونيا، قىتاي، وڭتۇستىك كورەيادا وتكىزىلدى.

جاپونيا پرەمەر-ءمينيسترى سيندزو ابە مەن مەملەكەت باسشىسى، يمپەراتور اكيحيتو، ءبىر مينۋت ۇنسىزدىكپەن سوعىستا وپات بولعانداردى ەسكە الدى.

اتاۋلى داتا قارساڭىندا س. ابە جاپونيانىڭ ەكىنشى دۇنيەجۇزىلىك سوعىس كەزىندەگى ارەكەتتەرى ءۇشىن تاعى ءبىر مارتە كەشىرىم سۇراعان بولاتىن. الايدا قىتاي مەن وڭتۇستىك كورەيا بۇل مالىمدەمەنىڭ شىنايىلىعىنا كۇمان كەلتىرىپ، بۇعان قاناعاتتانبايتىندىقتارىن ءبىلدىردى.

سوڭعى جاڭالىقتار