اقمولالىق جاۋىنگەردىڭ سۇيەگى 70 جىلدان كەيىن تۋعان ەلىنە جەتكىزىلىپ جەرلەندى - فوتو
جاۋىنگەردىڭ سۇيەگىن سانكت- پەتەربور قالاسىنان ونىڭ تۋعان جيەنى، «ۆيكتوروۆكا» ج ش س- ءنىڭ باسشىسى ۆلاديمير اندريۋحين الىپ كەلگەن.
مايدانگەردى اقتىق ساپارعا شىعارىپ سالۋ راسىمىنە اۋدان اكىمى اسقار مۇرات ۇلى، اۋداندىق ءماسليحات حاتشىسى قايرات اۋعاليەۆ، وبلىستىق قورعانىس ىستەرى جونىندەگى دەپارتامەنتتىڭ، ءدىن سالاسىنىڭ وكىلدەرى جانە مارقۇمنىڭ تۋعان- تۋىستارى قاتىستى.
ميحايل گريگوريەۆيچ اسافوۆ زەرەندى اۋدانىنىڭ تۋماسى، 1914 -جىلى دۇنيەگە كەلگەن. 1941 -جىلى مولوتوۆ اۋداندىق اسكەري كوميسسارياتىمەن اسكەر قاتارىنا شاقىرىلىپ، مايدانداعا جىبەرىلەدى. موتواتقىشتار روتاسىنىڭ 210- اتقىشتار ديۆيزياسىندا اسكەري بورىشىن وتەپ ءجۇرىپ قازا بولادى.
جاۋىنگەردىڭ سۇيەگى ۆالەنتينا بوبروۆا جەتەكشىلىك ەتەتىن «جىلۋبەتون ەكسپەديسياسى» ىزدەستىرۋ وتريادىمەن جىلۋبەتون تەمىرجول پلاتفورماسىنىڭ ماڭىنان تابىلدى. 8 - مامىر كۇنى رەسەيدە ميحايل اسافوۆتىڭ قازا بولعان جەرىندە مەموريالدىق تاقتا اشىلىپ، سالتاناتتى شارا ءوتتى.
