انكارادا ت م د ەلدەرىنىڭ ەلشىلىكتەرى جەڭىستىڭ 70 جىلدىعىنا وراي قابىلداۋ وتكىزدى
قابىلداۋعا انكارادا اككرەديتتەلگەن قازاقستان، بەلارۋس، رەسەي، تاجىكستان، تۇرىكمەنستان مەن وزبەكستاننىڭ ديپلوماتيالىق ميسسيالارىنىڭ باسشىلارى، حالىقارالىق ۇيىمدار، باس شتاب وكىلدەرى، سونداي-اق تۇركيا رەسپۋبليكاسىنىڭ ۇلتتىق قورعانىس مينيسترلىگىنىڭ، جاندارمەنيانىڭ، تۇركيانىڭ مەملەكەتتىك ورگاندارىنىڭ وكىلدەرى مەن قوعامدىق-ساياسي قايرەتكەرلەر، ب ا ق وكىلدەرى قاتىستى، دەپ حابارلايدى تۇركياداعى ق ر ەلشىلىگىنىڭ باسپا ءسوز قىزمەتىنەن.
قابىلداۋ اياسىندا قوناقتار ءۇشىن قابىلداۋشى تاراپتاردىڭ ءداستۇرلى تاعامدارى ۇسىنىلدى، ونىڭ ىشىندە قازاقتىڭ ۇلتتىق تاعامدارى دا بولدى، ۇلى وتان سوعىسى تۋرالى فوتوكورمە ۇيىمداستىرىلىپ، بەينەروليكتەر كورسەتىلدى.
ۇلى وتان سوعىسى جىلدارى مايدانداردا 1 ميلليون 500 مىڭنان استام قازاقستاندىقتار شايقاستارعا قاتىستى. جاۋىنگەرلىك ەرلىكتەرى ءۇشىن مىڭداعان وتانداستارىمىز وردەندەرمەن جانە مەدالدارمەن ماراپاتتالدى، 500 دەن استام ادام كەڭەس وداعىنىڭ باتىرى اتاندى، 110 قازاقستاندىق ءۇش دارەجەلى داڭق وردەنىن يەلەندى.
