ب ۇ ۇ شتاب- پاتەرىندە ەكىنشى دۇنيەجۇزىلىك سوعىستىڭ اياقتالۋىنا 70 جىل تولۋىنا وراي مەرەكەلىك شارا وتكىزىلدى
بۇل تۋرالى ق ر س ءى م باسپا ءسوز قىزمەتى حابارلادى.
مەرەكەلىك شارالار 4- مامىر كۇنى ازەربايجان، ارمەنيا، بەلورۋسسيا، قازاقستان، قىرعىزستان، رەسەي فەدەراتسياسى، تاجىكستان، تۇركىمەنستان جانە وزبەكستان مەملەكەتتەرىنىڭ ب ۇ ۇ جانىنداعى تۇراقتى وكىلدىكتەرىنىڭ بىرىككەن «سوڭعى دۇنيەجۇزىلىك سوعىس: بەيبىتشىلىك ءۇشىن ۇمىتپاۋ» دەگەن تاقىرىپتاعى فوتوكورمەسىمەن باستالدى.
ەكسپوزيتسيادا، جاۋىنگەرلىك رۋحقا باي، ادام سەنبەس توزىمگە تولى جانكەشتى ادامداردىڭ فاشيزمگە قارسى كۇرەستەرى سوعىس جىلدارىندا تۇسىرىلگەن سۋرەتتەردە بەينەلەنگەن. كورمە تەك سوعىستىڭ تاريحي ساتتەرىن عانا ەمەس، سونىمەن قاتار ونىڭ قاسىرەتتى دە قايعىلى تۇستارىن سۋرەتتەگى تۇلعالاردىڭ كەلبەتتەرى ارقىلى جەتكىزە بىلگەن.
5- مامىر كۇنى ب ۇ ۇ شتاب-پاتەرىنىڭ الاڭىندا بەيبىتشىلىك پەن بىرلىك اعاشتارىنىڭ سالتاناتتى وتىرعىزىلۋى ءوتتى. اتالمىش ءىس-شارانى ب ۇ ۇ 46 مۇشە مەملەكەتى باستاپ، ەكىنشى دۇنيەجۇزىلىك سوعىستا قازا بولعاندار قاسىرەتىنىڭ نىشانى رەتىندە شيە اعاشىن ارنايى تاڭداپ الدى. بۇل اعاشتىڭ اق بۇرشىكتەرى كوپتەگەن ەلدەردىڭ مادەنيەتىندە تازالىق پەن قايتا ورلەۋدىڭ، سونىمەن قاتار ەركىندىك پەن ىمىرالىستىققا شاقىرۋ بەلگىسى بولىپ تابىلادى.
ءىس-شارانى ب ۇ ۇ باس حاتشىسى اشىپ، ءوز سوزىندە قازا بولعانداردى ەسكە الۋعا، قۇرمەت كورسەتۋگە جانە بارشا ادامزات بالاسىن سوعىس قاسىرەتى مەن بولاشاقتا بولاتىن قاقتىعىستارعا قارسى بىرىگىپ كۇرەسۋگە شاقىردى.
سول كۇنى ەكىنشى دۇنيەجۇزىلىك سوعىستا قازا بولعانداردىڭ رۋحىنا ارنالعان ب ۇ ۇ باس اسسامبلەياسىنىڭ ارنايى سالتاناتتى وتىرىسى ءوتتى. وسىنداي شارالار ب ۇ ۇ ب ا 2004-جىلى 8-9- مامىر كۇندەرىن ەسكە الۋ جانە ىمىرالاستىق كۇندەرى دەپ بەلگىلەگەننەن كەيىن جىل سايىن ۇيىمداستىرىلاتىن بولدى.
ەكىنشى دۇنيەجۇزىلىك سوعىس اياقتالۋىنىڭ جىلدىق مەرەكەلىك اپتالىعى 6- مامىر كۇنى ولەگ لۋندسترەمنىڭ جەتەكشىلىگىندەگى ورىس مەملەكەتتىك دجاز مۋزىكالىق وركەسترىنىڭ سوعىس جىلدارىنداعى تانىمال تۋىندىلاردان قۇرالعان كونسەرتىمەن قورىتىندىلاندى.
