وزبەكستان قازاقستانعا شامامەن 70 ميلليون دوللار قارىز
بۇل تۋرالى جالپى وتىرىس قورىتىندىلارى ارنالعان باسپا ءسوز- ءماسليحاتىندا «KEGOC» ا ق باسقارما باسشىسى باقىتجان قاجيەۆ ايتتى.
«وزبەكستاننىڭ ءبىزدىڭ الدىمىزدا شىنىمەن دە قارىزى بار. 2011 -جىلدىڭ سوڭىنان باستاپ ءبىز بەن وزبەكستاندىق ەلەكتر جۇيەسىنىڭ اراسىندا جوسپاردان تىس ەلەكتر ەنەرگياسىن ساتىپ الۋ تۋرالى كەلىسىم شارت جاسالعان. وسى ۋاقىت ارالىعىندا ءبىز ولارعا 140 ميلليون دوللار كولەمىندەگى ەلەكتر ەنەرگياسى جىبەرىلدى، ولار ونىڭ 70 ميلليون دوللارىن وتەدى»، - دەپ اتاپ ءوتتى ول.
ب. قاجيەۆتىڭ ايتۋىنشا، وزبەك تاراپىنا قارىزدىڭ قالعان بولىگىن، ياعني 68-69 ميلليون دوللاردى تولەۋ قاجەت.
«ءبىز بۇل قارىز بويىنشا حالىقارالىق اربيتراجدىق سوتقا جۇگىنگەن بولاتىنبىز. سوتتا ءبىز جەڭىپ شىقتىق. قازىر سول قارىزداردى جابۋ پروتسەسى ءجۇرىپ جاتىر»، - دەدى باسقارما ءتوراعاسى.
اۆتور: ءابۋ-اسقار مەكەش ۇلى
