استانادا جەڭىستىڭ 70 جىلدىعىنا ارنالعان پارادقا دايىندىق قارقىندى جۇرۋدە - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
دوڭعالاقتى جانە شىنجىر تاباندى تەحنيكالاردى جۇرگىزۋ بويىنشا ءىس جۇزىندەگى دايارلىق باستالىپ كەتتى. جەكە مەن كىشى توپ قۇرامىنداعى جاتتىعۋلاردان كەيىن جاۋىنگەرلىك ماشينا جۇرگىزۋشىلەرى الاڭدا اۋقىمدا ءىس- قيمىلداردى پىسىقتاۋدى باستادى.
مەحانيكالاندىرىلعان لەكتەردىڭ جاتتىعۋى كەزىندە پارادقا قاتىساتىن بارلىق 230 اسكەري تەحنيكا كورسەتىلەدى. بۇرىن ايتىلعانداي پاراد ەكى -تاريحي جانە زاماناۋي ءبولىمدى قامتيدى. پارادتىڭ تاريحي بولىمىندە اسكەري تەحنيكالار لەگىن ت-34 تانكىسى باستاپ، زيس-2 زەڭبىرەگى، زيل-157جانە م-30 گاۋبيتساسى، تانىمال ب م-13، ر س-30 «كاتيۋشا»، اتاقتى «ماكسيم» پۋلەمەتى، ربد (دەگتياريەۆتىڭ قول وقشاشارى) پ پ ش (شپاگيننىڭ پيستولەت- وقشاشارى) لەگىنەن قۇرالعان قۇراما جالعاستىرادى. پارادتا اسكەري تەحنيكالاردىڭ زاماناۋي ءبولىمىن قارۋمەن باسقارىلاتىن ت-72 ب تانكىسى باستايدى.
سونىمەن قاتار الاڭعا تانكتەرگە قولداۋ كورسەتىپ اسكەري ماشينالار «سولنتسەپەك»، جاياۋ اسكەرلەر اسكەري ماشينالارى، بتر-82 بروندى ترانسپورتەرلەرى، د-30 گاۋبيتسالار، «مستا»، كاماز اۆتوكولىكتەرى، «تيگر» بروندى ماشينا، «كوبرا» جاۋىنگەرلىك بارلاۋ كولىگى جانە سوڭعى جىلدارى قازاقستاندىق ارميا قاتارىنا الىنعان قارۋ- جاراقتار مەن قازىرگى زامانعى اسكەري تەحنيكالار وتەدى.
ق ر ق ك قۇرلىق اسكەرلەرى باس قولباسشىسىنىڭ قارۋ-جاراق بويىنشا ورىنباسارى پولكوۆنيك اسىلبەك ساتىبالدينوۆ پارادتىڭ تەحنيكالىق قۇرامى ءبىرىڭعاي مەحانيزم بولۋى ءتيىس دەپ اتاپ ءوتتى. وسى ورايدا جۇرگىزۋشىلەردەن جوعارعى دەڭگەيدەگى شەبەرلىكتەرىن كورسەتۋى، سونداي- اق بۇيرىقتى ەستۋى مەن باعىنۋعا ۇيرەنۋى، ناقتى ۋاقىتى مەن ءوزىنىڭ قوزعالىس جىلدامدىعىن ءبىلۋى تالاپ ەتىلەدى. استاناعا وسى ماقساتتا پارادقا قاتىسۋ ءۇشىن اسكەري بولىمدەردەن ەڭ ۇزدىك ماماندار كەلدى.
