حالىق جازۋشىسى مۇزافار الىمبايەۆقا جەڭىستىڭ 70 جىلدىعىنا ارنالعان مەرەيتويلىق مەدال تابىس ەتىلدى
مۇزافار الىمبايەۆ - قازاقستاننىڭ حالىق جازۋشىسى، اقىن، مەملەكەتتىك سىيلىقتىڭ لاۋرەاتى، قازاق ادەبيەتىندەگى مايدانگەر قالامگەرلەردىڭ ءبىرى. «بالدىرعان» جۋرنالىن قۇرىپ، سونى 25 جىل باسقارعان كورنەكتى تۇلعا. م. الىمبايەۆ قازاق بالالار ادەبيەتىن دامىتۋعا كوپ ەڭبەك سىڭىرگەن.
«مەنىڭ ويىنشىعىم»، «وتپەن ويناما»، «وراق - ولاق»، «شىنىقساڭ - شىمىر بولارسىڭ» جانە تاعى باسقا دا شىعارمالارى كەزىندە بالالاردىڭ ءسۇيىپ وقيتىن كىتاپتارىنا اينالدى.
ول 1918 -جىلى 29 -قازاندا پاۆلودار وبلىسى، شارباقتى اۋدانىنداعى مارالدى اۋىلىندا تۋعان. ءانشى- كۇيشىلەردىڭ، اقىن- جىراۋلاردىڭ دۋمان قۇرعان ونەر تورىندە، سولاردىڭ ءتاتتى سازىن، تاتىمدى ءسوزىن قارشادايىنان قۇلاعىنا قۇيىپ وسكەن. 1941 -جىلى 18 جاسىندا ءوز قالاۋىمەن مايدانعا اتتاندى. كالينين مايدانىندا رجيەۆتىڭ تۇبىندە سوعىستى.
ءۇش جارىم ايداي قاتارداعى جاۋىنگەر، سوسىن ساياسي جۇمىستار جونىندەگى جەتەكشىنىڭ ورىنباسارى بولدى. كەيىن وزدىگىنەن جۇرەتىن اۋىر ارتيللەريالىق قوندىرعىلاردىڭ مينومەت باتارەياسى كومانديرىنىڭ ورىنباسارى بولدى. ودان كەيىن وقۋ تانكىلىك بولىمشەنىڭ شتاب وفيتسەرى قىزمەتىن اتقاردى. سوعىس اياقتالعان سوڭ، شىعىس گەرمانيا جەرىندە اسكەري قىزمەت اتقاردى. ەلگە 1948 -جىلى ورالدى.
ەكاتەرينا بارانوۆا 1925 -جىلى 29 -ماۋسىمدا كۋرسك وبلىسىنىڭ نوۆيكوۆا سەلوسىندا تۋعان. 1943 -جىلدان 1- ۋكراين مايدانىنىڭ ەۆاكۋاتسيالىق گوسپيتالىندە مەدبيكە قىزمەتىن اتقاردى. چەحوسلاۆاكيا، پولشا جانە گەرمانيا جەرىندە بولدى. سوعىس اياقتالعان سوڭ شەكارالىق گوسپيتالدا ىستەدى. 1960 -جىلدان باستاپ، زەينەتكەرلىككە شىققانعا دەيىن الماتىدا قاز ك س ر مينيسترلەر كەڭەسىنىڭ اۋرۋحاناسىندا قىزمەت اتقاردى.
اۆتور: جاپپاربەرگەن ايبوتا
