استانادا جول قوزعالىسىن باقىلايتىن 70 جۇيە ورناتىلدى
بۇل «Red speed» اۆتوماتتاندىرىلعان جىلدامدىق ولشەگىش جۇيەلەرى مەن 13 «ينتەگرا- كدد» جول قوزعالىسىن باقىلايتىن جۇيە، دەپ حابارلايدى astana.gov.kz.
استانا قالاسى ءى ءى د ءا پ ب اكىمشىلىك تاجىريبە ءبولىمىنىڭ باسشىسى تاحير ءابدۋراحمانوۆتىڭ ايتۋىنشا، اتالمىش قۇرىلعىلار كولىكتىڭ جىلدامدىعىن ارتتىرۋى، باعدارشامنىڭ قىزىل شامىنا ءوتىپ كەتۋى، توقتاۋ سىزىقتارىن كەسىپ ءوتۋى ءتارىزدى جول قوزعالىسىنىڭ ەرەجەلەرىن بۇزۋىن تىركەپ جازىپ الىپ وتىرادى.
بارلىق تىركەلگەن زاڭ بۇزۋشىلىقتار اۆتوماتتى تۇردە ءى ءى د ءا پ ب پروتسەستىك ورتالىعىنا جىبەرىلەدى. زاڭ بۇزۋشىلىق تىركەلگەن قۇجاتتار، فوتوفيكساتسيامەن بىرگە سول تۇلعانىڭ تۇرعىلىقتى مەكەن- جايىنا جىبەرىلەدى.
پوليتسيا قىزمەتكەرلەرىنىڭ ايتۋىنشا، كوپ جىلعى تاجىريبە كورسەتكەنىندەي، «Red speed» جۇيەسى ورناتىلعان جەرلەردە بولعان كولىك اپاتتارىندا ادام ءولىمى ورىن الماعان.
ايتا كەتەيىك، اتالمىش جۇيەنىڭ كومەگىمەن ۇستىمىزدەگى جىلدىڭ ءۇش ايىندا 8328 جول- كولىك ەرەجەسىن بۇزۋ فاكتىسى تىركەلدى.
