اقسۋدىڭ 70 مىڭىنشى تۇرعىنى دۇنيەگە كەلدى

None
None
استانا. قازاقپارات - اقسۋدىڭ 70 مىڭىنشى تۇرعىنى باتىر مۇستافين 21- ناۋرىزدا تۇنگى ساعات 2 دە دۇنيەگە كەلدى.

 

بۇل تۋرالى رەسپۋبليكالىق «ەگەمەن قازاقستان» گازەتى جازادى.

قالا اكىمى قايرات نۇكەنوۆ جاس وتباسىن قۇتتىقتاپ، نارەستەنىڭ كورىمدىگىنە دەپ 500 مىڭ تەڭگەنىڭ سەرتيفيكاتىن تابىس ەتتى.

اقسۋ قالاسى - مەتاللۋرگتەر مەن ەنەرگەتيكتەر ورداسى. مۇندا «ەۋرازيالىق ەنەرگەتيكالىق كورپوراتسيا» ا ق جانە «اقسۋ فەررو قورىتپا زاۋىتى» ا ق سياقتى الىپ ءوندىرىس ورىندارى شوعىرلانعان.

ءتىپتى، ءوندىرىستى قالانىڭ 70 مىڭىنشى تۇرعىنى اتانعان تيتتەي ءسابيدىڭ ءوزى دە مەتاللۋرگتەر اۋلەتىنىڭ ءىزباسارى. سالماعى - 3 كيلو، 300 گرام، بويى - 52 سانتيمەتر. نارەستەنىڭ اتا-اناسى - داۋرەن مەن ايگەرىم مۇستافينوۆتار دا فەررو قورىتپا زاۋىتىندا ەڭبەك ەتەدى ەكەن. ءسويتىپ، كىشكەنتاي تۇرعىنعا باتىر دەپ ات قويىلدى. اقساقالدار ەل مەن جەرىن قورعاعان ۇلى باتىر بابالارىنداي رۋحتى، جىگەرلى بولىپ ءوسسىن دەپ باتا بەردى. باتىرىمىز ۇلكەن ازامات بولىپ ءوسسىن. ءسابيدىڭ باۋى بەرىك بولسىن دەپ تىلەك تىلەستى.

قالا تۇرعىندارى 70 مىڭىنشى تۇرعىننىڭ دۇنيەگە كەلۋ كۇنىن ءبىر-بىرىنەن ءسۇيىنشى سۇراسىپ، مەرەكەلىك شارالارمەن اتاپ ءوتتى. ايتپاقشى، اقسۋ قالاسىندا سوڭعى ءۇش ايدا اراسىندا 6 ەگىز بار 250 ءسابي دۇنيەگە كەلىپتى. ال وتكەن جىلعى ەگىزدەر سانى - 16.

سوڭعى جاڭالىقتار