16:01, 20 - ناۋرىز 2015 | GMT +6
ۇلى جەڭىستىڭ 70 جىلدىق مەرەيتويى جىلىندا ە ا ە و ەلدەرى ەكونوميكالىق تۇرعىدا وزدەرىنىڭ بىرلىگىن كورسەتۋى ءتيىس - ا. لۋكاشەنكو
استانا. قازاقپارات - ۇلى جەڭىستىڭ 70 جىلدىق مەرەيتويى جىلىندا ە ا ە و ەلدەرى ەكونوميكالىق جانە ساياسي تۇرعىدا وزدەرىنىڭ بىرلىگىن كورسەتۋى ءتيىس. بۇگىن اقوردادا قازاقستان، بەلارۋس جانە رەسەي باسشىلارىنىڭ ءۇشجاقتى كەزدەسۋى بارىسىندا بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو وسىلاي ءمالىم ەتتى.
«ءار جىلدا ءبىز قانداي دا ءبىر سىن-قاتەرلەرگە ءىس-قيمىل جاساۋعا ءماجبۇرمىز. قازىرگى كەزدە تاعى دا سىن-قاتەرلەر الدىمىزدا تۇر. الايدا، ءبىز قۇرعان ەۋرازيالىق ەكونوميكالىق وداق قىسقا مەرزىمدە ءبىزدىڭ باستامامىز بەكەر ەمەستىگىن بايقاتىپ وتىر. ءبىز اۋقىمدى كولەمدەگى قۇجاتتاردى قابىلدادىق. وداق اياسىندا وسى سىن-قاتەرلەرگە ءتيىستى ءىس-قيمىلدار جاساۋىمىز قاجەت»، - دەدى ا. لۋكاشەنكو.
اۆتور: رۋسلان عابباسوۆ
