ۇلى جەڭىسكە 70 جىل: الماتى ستۋدەنتتەرى «جەڭىس اللەياسىن» وتىرعىزدى
الماتى. قازاقپارات - الماتىدا س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ ستۋدەنتتەرى جەڭىستىڭ 70 جىلدىعىنا وراي اللەيا وتىرعىزدى. ستۋدەنتتەر وسىلايشا قان مايداندا ەرلىكپەن قازا تاپقان دارىگەرلەر رۋحىنا قۇرمەت كورسەتتى.
جۇزدەگەن جاس شىرشا كوشەتى تولە ءبي كوشەسىنىڭ بويىندا سەيفۋللين مەن ماسانچي كوشەلەرىنىڭ ارالىعىندا وتىرعىزىلدى.
«بيىل ەل بولىپ بىرنەشە مەرەيتويدى تويلاعالى جاتىرمىز. بۇل: جەڭىستىڭ 70 جىلدىعى، ءبىزدىڭ ۋنيۆەرسيتەتىمىزدىڭ 85 جىلدىعى. سوعىستىڭ العاشقى جىلدارىندا وسىندا وقىعان 300 گە جۋىق ستۋدەنت مايدان شەبىنە اتتاندى. سول ەرلەردىڭ قۇرمەتىنە ءار جىلى بىتىرگەن تۇلەكتەر «الما-ماتەرگە» شىرشا اللەياسىن سىيعا تارتپاق. كوپ جىل وتكەن سوڭ بۇگىنگى جاس ستۋدەنتتەر باۋ-باقشاعا اينالعان اللەيا جانىنان قالىپتاسقان دارىگەر رەتىندە وتباسىمەن وتەتىن بولادى. بۇل اللەيا جىلداردان ەستەلىك بوپ قالماق»، - دەدى قاز ۇ م ۋ رەكتورى ايقان اقانوۆ.
اۆتور: گۇلميرا عوسمانالي
