قىتاي جەڭىستىڭ 70 جىلدىعىنا وراي اسكەري پاراد وتكىزبەك
بۇعان دەيىن بەيجىڭ 3 - قىركۇيەكتە شەتەلدىك مەملەكەت باسشىلارىنىڭ قاتىسۋىمەن اسكەر پاراد وتكىزۋى مۇمكىن دەگەن اقپاراتتى قىتايلىق ب ا ق تاراتقان بولاتىن. الايدا، بۇل حابار رەسمي تۇردە تەك بۇگىن عانا راستالىپ وتىر.
«بيىل ەلىمىزدە جانە حالىقارالىق دەڭگەيدە قالىپتاسقان داستۇرگە سايكەس، بەيجىڭدە سالتاناتتى شارالار، ونىڭ ىشىندە ميتينگتەر، اسكەري پاراد، قابىلداۋلار مەن ادەبي كەشتەر وتكىزۋدى جوسپارلاپ وتىرمىز. ءىس- شاراعا ق ح ر ءتوراعاسى مەن ەلدىڭ وزگە دە باسشىلارى قاتىساتىن بولادى»، - دەپ ايتىلعان دۇيسەنبى كۇنى كەشكە ق ح ر س ءى م-ىنىڭ رەسمي وكىلى حۋا چۋنيننىڭ ۆەدومستۆو سايتىندا جاريالانعان رەسمي مالىمدەمەسىندە.
«قىتاي تاراپى ەكىنشى دۇنيەجۇزىلىك سوعىسقا قاتىسقان نەگىزگى مەملەكەتتەردىڭ وكىلدەرىنە، ازيا ەلدەرىنە، سونىمەن قاتار ب ۇ ۇ مەن وزگە دە حالىقارالىق ۇيىمداردىڭ وكىلدەرىنە شاقىرتۋ جولدايدى»، - دەپ كورسەتىلگەن حابارلامادا.
1949 - جىلى ق ح ر قۇرىلعالى بەرى قىتايدا اسكەري پاراد تەك مەملەكەتتىڭ قۇرىلۋىنا وراي عانا وتەتىن. 1960 - جىلى ەل بيلىگى اسكەري پارادتى تەك 10 جىلدا ءبىر رەت وتكىزۋى بەكىتتى. سوڭعى اسكەري پاراد 2009 - جىلى وتكەن بولاتىن. وسىلايشا، ۇيىمداستىرىلعالى وتىرعان اسكەري پاراد 1949 - جىلدان بەرى ق ح ر- دىڭ قۇرىلۋى سەبەبىنەن تىس وتكەلى وتىرعان العاشقى اۋقىمدى ءىس- شارا بولماق.
بيىل ەكىنشى دۇنيەجۇزىلىك سوعىستاعى جەڭىستىڭ 70 جىلدىعىنا رەسەي دە، قىتاي دا ۇلكەن ءمان بەرىپ وتىر. وسىعان وراي ۇيىمداستىرىلاتىن شارالارعا قوس ەلدىڭ باسشىلارى دا قاتىسادى دەپ كۇتىلۋدە.
ق ح ر ءتوراعاسى شي جينپيڭ 9 - مامىردا ماسكەۋدە وتەتىن شاراعا قاتىسۋعا كەلىسىم بەرسە، رەسەي پرەزيدەنتى ۆلاديمير پۋتين بەيجىڭدە وتەتىن ءىس- شارالارعا شاقىرتۋ العان.
BNews.kz
