13:50, 16 - اقپان 2015 | GMT +5
امۋردىڭ قوس جاعالاۋىندا تۇراتىن رەسەي مەن قىتاي تۇرعىندارى جەڭىستىڭ 70 جىلدىعىنا ارنالعان وتشاشۋدى تاماشالايتىن بولادى
استانا. قازاقپارات - امۋر وزەنىنىڭ قوس جاعالاۋىن مەكەن ەتكەن رەسەي مەن قىتاي ەلدەرىنىڭ تۇرعىندارى ءبىر ۋاقىتتا ۇلى وتان سوعىسىنداعى جەڭىستىڭ 70 جىلدىعى قۇرمەتىنە ارنالعان وتشاشۋدى تاماشالايتىن بولادى.
بۇل تۋرالى ت ا س س حابارلايدى.
«جەڭىس كۇنى مەرەكەلىك وتشاشۋدى شەكاراداعى وزەننىڭ ەكى جاعاسىنان بەرىلەتىنى تۋرالى ۋاعدالاستىققا بلاگوۆەشەنسك دەلەگاتسياسىنىڭ قىتايلىق حەيحە قالاسىنا جاساعان رەسمي ساپارى كەزىندە قول جەتكىزىلدى»، - دەپ حابارلادى بلاگوۆەشەنسك اكىمشىلىگىنىڭ باسپا ءسوز قىزمەتىنەن.
بلاگوۆەشەنسك - ر ف سۋبەكتىسىنىڭ تىكەلەي مەملەكەتتىك شەكارادا ورنالاسقان جالعىز اكىمشىلىك ورتالىعى، وعان قاراما- قارسى قىتايدىڭ حەيحە قالاسى ورنالاسقان، بۇل ەكى قالانى امۋر ءبولىپ تۇر. رەسەيلىك وبلىس ورتالىعىندا 220 مىڭعا جۋىق ادام تۇرادى.
