08:45, 23 - جەلتوقسان 2014 | GMT +5
قازاقستان ۋكرايناعا گۋمانيتارلىق كومەك رەتىندە 70 ميلليون تەڭگەنىڭ ازىق- تۇلىگىن جونەلتەدى
استانا. قازاقپارات - قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ ۋكراينانىڭ وڭتۇستىك- شىعىس ايماقتارىنا گۋمانيتارلىق كومەك جولداۋ تۋرالى شەشىمىن ورىنداۋ ماقساتىندا قازاقستان رەسپۋبليكاسىنىڭ ۇكىمەتى قارجىلىق جانە ماتەريالدىق رەسۋرستار ءبولدى، دەپ حابارلايدى ق ر س ءى م باسپا ءسوز قىزمەتى.
2014 - جىلى 6 - قازاندا ق ر سىرتقى ىستەر مينيسترلىگى ۋكراينانىڭ گۋمانيتارلىق قاجەتتىلىكتەرى ءۇشىن قىزىل كرەستتىڭ حالىقارالىق كوميتەتىنە 30 مىڭ ا ق ش دوللارىن قازاقستاننىڭ مۇشەلىك جارناسىن تولەۋ بويىنشا ءتيىستى ءۇردىسىن اياقتادى.
2014 - جىلى 19 - جەلتوقسان كۇنى «ۋكراينانىڭ وڭتۇستىك- شىعىس ايماقتارىنا گۋمانيتارلىق كومەك كورسەتۋ تۋرالى» ق ر ۇكىمەتىنىڭ قاۋلىسى قابىلداندى. قاۋلىعا سايكەس، ەلىمىزدىڭ مەملەكەتتىك ماتەريالدىق رەزەرۆىنەن جالپى سومماسى 69 ميلليون 727 مىڭ تەڭگەنى قۇرايتىن ازىق- تۇلىك ۋكرايناعا جولداناتىن بولادى.
