قىتايدا قۇپيا مالىمەتتى تاراتتى دەگەن ايىپپەن 70 جاستاعى جۋرناليست سوتقا تارتىلدى

استانا. قازاقپارات - قىتايدا بەلگىلى جۋرناليست جانە قۇقىق قورعاۋشى گاو يۋيعا قاتىستى سوت پروتسەسى باستالدى. وعان مەملەكەتتىك قۇپيانى جاريا ەتىپ، ماڭىزدى قۇپيا قۇجاتتى شەتەلدىك ب ا ق-قا بەردى، دەگەن ايىپ تاعىلعان. بۇل تۋرالى BCC اگەنتتىگى حابارلادى.

داۋ قىتاي كوممۋنيستىك پارتياسىنىڭ ناسيحات ءبولىمىنىڭ يدەولوگيالىق ديرەكتيۆالارىنا قاتىستى بولىپ وتىر، وندا پارتيا مۇشەلەرىن باتىستىڭ قۇندىلىقتارى مەن ەركىندىگىنە ەلىكتەۋدەن ساقتاندىرعان. گاو يۋيدىڭ قورعاۋشىلارى باتىس ب ا ق-تارىندا وسىعان قاتىستى مالىمەتتەر جاريالانعان مەزگىلدە ونداي ماتەريالدارعا قول جەتكىزۋ ەركىن بولعانىن العا تارتتى.

الايدا، بەيجىڭدەگى BCC ءتىلشىسى حابارلاعانداي، مۇنداي جاعدايدا ايىپتالۋشىنى اقتاپ الاتىن شەشىم سيرەك شىعارىلادى. بولجام بويىنشا، گاو يۋي ءومىر بويى باس بوستاندىعىنان ايىرىلۋى مۇمكىن.

حالىقارالىق قۇقىق قورعاۋ ۇيىمدارى 70 جاستاعى جۋرناليستى سوتتاۋ - ءسوز بوستاندىعىن شەكتەۋ دەپ، ونى بوساتۋدى تالاپ ەتىپ وتىر.