استانا كۇنىندە 70 تەن استام شارا ۇيىمداستىرىلادى
سونىمەن قاتار، «قايسار كەرۋەن» قايىرىمدىلىق ۆەلوجارىسىندا قالا اكىمى يمانعالي تاسماعامبەتوۆ استانا كوشەلەرىن ۆەلوسيپەدپەن ارالايتىن بولادى.
«مىڭجىلدىقتار توعىسىنداعى استانا» جىل سايىنعى كوشپەلىلەر وركەنيەتى فەستيۆالى ادەتتەگىدەي دۋالدى قالا فورماسىندا ەمەس، جارمەڭكەگە ارنالعان شاتىرلى كەشەن رەتىندە ەرەكشەلەنبەك. «وزەن اۋەندەرى» كلاسسيكالىق مۋزىكا كەشتەرى جاڭا فورماتتا بەزەندىرىلەدى. ساحنا ءداستۇرلى تۇردە وزەنگە قۇرىلادى، ال ونىڭ سىرتقى كورىنىسى شىعىس سارايىن ەسكە تۇسىرەتىن بولادى. «استانا- ارقاۋ» تۇركى مۋزىكاسى فەستيۆالى ءبىرقاتار ەلدەردىڭ كۇيشىلەرى مەن انشىلەرىنىڭ باسىن قوسادى.
فەستيۆالعا قازاقستان، ءازىربايجان، تۇركمەنستان، وزبەكستان، قىرعىز رەسپۋبليكاسى، قىتاي، موڭعوليا، التاي، تىۆا، تاتارستان، باشقۇرتستان، حاكاسيا، داعىستان ەلدەرىنىڭ مۋزىكانتتارى قاتىسادى.
ەسترادا جۇلدىزدارىنىڭ قاتىسۋىمەن وتەتىن شارالارعا توقتالساق، «سارى راقا» رەسپۋبليكالىق ۆەلوترەگىنىڭ ساحناسىندا بيىل «The Jigits», «Пицца», «Blue» توپتارى، عالىمجان مولدانازاروۆ، قايرات نۇرتاس، پولينا گاگارينا جانە اتى ازىرگە قۇپيا الەم جۇلدىزى ونەر كورسەتەدى. روزا رىمبايەۆا، يۋريي انتونوۆ جانە «دوس مۇقاسان» توبى مەن «جەتىگەن» رەترو كونتسەرتكە قاتىسادى. بۇدان بولەك، «ايالاعان استانا» ۇلتىق مۋزىكالىق تەليەۆيزيالىق بالالار بايقاۋىنىڭ فينالى مەن داريعا نازاربايەۆانىڭ باستاماسىمەن «استانا كەشتەرى» حالىقارالىق فەستيۆالى وتەدى. فەستيۆال قازاقستان، رەسەي، ءازىربايجان، يتاليانىڭ تانىمال ورىنداۋشىلارى قاتىساتىن ءۇش كونسەرتتەن تۇرادى.
«بيتۆا گورودوۆ» ءازىل- سىقاق فەستيۆالى قازاقستاننىڭ قاي قالاسى قالجىڭنىڭ كورىگىن قىزدىراتىنىن انىقتاماق. شاتتىق مەرەكەسىنە «ءماسساعان» جوباسى، «ZK لانديا» ، «ليتسا ستوليتسى» سكەتچ شوۋى قاتىسسا، ولاردىڭ ونەرىن «Comedy Club» تانىمال رەزيدەنتى «سەمەن سلەپاكوۆ» باعالايدى. ەلوردا كۇنى قارساڭىندا «استانالىق» ورتالىق ساياباعى اشىلادى. قالالىق مادەنيەت جانە دەمالىس پاركى ەندى جاڭا زاماناۋي، تەحنولوگيالىق كوركەم كەيىپكە ەنەدى.
سونىمەن قاتار، ۇيىمداستىرۋشىلار «ماڭگىلىك ەل ۇلت مۇراتى» پوەزيا كەشىن جانە «ءۇش بايتەرەك» كوركەم ءسوز وقۋدان بايقاۋ وتكىزەدى. وندا مۇزافار الىمبايەۆ، قادىر مىرزا ءالي، تۇمانباي مولداعاليەۆ سىندى ايگىلى اقىنداردىڭ شىعارمالارى ورىندالماق. استانا قالاسى تۇرعىن ءۇي الاپتارىنداعى تۇرعىندارعا ارنالعان «استانا شاتتىق» كوشپەلى كونتسەرتىندە ديلناز احماديەۆا، «رينگو» توبى، الىشەر كارىموۆ، قايرات تۇنتەكوۆ ءان شىرقايدى. استانا كۇنى مەرەكەسىنە جىل سايىن قازاقستاننىڭ باسقا دا قالالارى مەن ءتۇرلى ەلدەردەن 100 مىڭنان استام قوناقتار قاتىسادى. قالا كۇنىنە ارنالعان مەرەكەلىك شارالار بيلەتتەرى ساتىلىمىنان تۇسكەن قارجى ادەتتەگىدەي مۇگەدەك بالالاردىڭ ەمىنە جۇمسالادى، دەپ حابارلايدى astana.kz.
