قىتايدا 700 مىڭنان استام ادام تابيعات اپاتىنان زارداپ شەكتى

داۋىل سالدارىنان 120 مىڭنان استام تۇرعىن فۋجيان پروۆينتسياسىنىڭ قاۋىپسىز ايماقتارىنا كوشىرىلدى، 260 گەكتار ەگىستىك جەر ءبۇلىندى، بۇل 7,3 ميلليون دوللار كولەمىندە تىكەلەي ەكونوميكالىق شىعىنعا اكەلدى.
قىتاي مەتەورولوگيا قىزمەتىنىڭ مالىمەتىنشە، «دوكسۋري» تايفۋنى قۇرلىققا شىققان كەزدە ونىڭ ەپيسەنترىنە جاقىن جەلدىڭ ماكسيمالدى جىلدامدىعى 50 م/س-قا جەتتى. تايفۋن سولتۇستىك- باتىس باعىتتا ماتەريكتىك قىتايعا 30 ك م/ساع جىلدامدىقپەن جىلجىپ، بىرتىندەپ السىرەيدى دەپ كۇتىلۋدە.
مەتەورولوگتاردىڭ باعالاۋىنشا، «دوكسۋري» بيىلعا قىتايداعى ەڭ قۋاتتى تايفۋن بولدى.
تابيعي اپاتقا بايلانىستى فۋجيان پروۆينتسياسىنىڭ ءىرى قالالارىندا جۇما كۇنى ساباق، جۇمىس جانە ىسكەرلىك بەلسەندىلىك توقتاتىلدى. بيلىك تۇرعىنداردى ۇيدەن شىقپاۋعا، سونداي-اق اۋىز سۋ مەن ازىق- تۇلىك قورىن جاساپ الۋعا شاقىردى.
داۋىل سالدارىمەن كۇرەسۋ ءۇشىن 3 مىڭنان استام اسكەري قىزمەتشى مەن 300 دەن استام تەحنيكا جۇمىلدىرىلعان.
قىتاي بيلىگى فۋجيان، گۋاڭدۋڭ جانە جىجياڭ پروۆينتسيالارىنا «دوكسۋري» تايفۋنى ايماققا اكەلگەن داۋىل مەن نوسەر جاڭبىردىڭ سالدارىن جويۋ ءۇشىن 90 ميلليون يۋان ءبولدى.
بۇعان دەيىن «دوكسۋري» قۋاتتى تايفۋنى فيليپپيندى ابىگەرگە تۇسىرگەن بولاتىن.
قىتاي اتالعان تايفۋننىڭ كەلۋىنە الدىن الا دايىندىق جۇرگىزگەن ەدى.