اقمولا وبلىسىندا 700 گە جۋىق مالدان برۋسەللەز بەلگىلەرى انىقتالدى

كوكشەتاۋ. قازاقپارات - اقمولا وبلىسىندا برۋتسەللەزبەن سىرقاتتانۋشىلىق بويىنشا ەپيدەميولوگيالىق جاعداي تۇراقتى.
None

وبلىستا بەس ادامنىڭ برۋسەللەزگە شالدىققانى انىقتالدى، بۇل - وتكەن جىلدىڭ سايكەس كەزەڭىمەن سالىستىرعاندا 2,2 ەسە تومەن. بۇل تۋرالى بريفينگتە اقمولا وبلىسىنىڭ باس مەملەكەتتىك سانيتاريالىق دارىگەرى ايناگۇل مۋسينا ءمالىم ەتتى، دەپ حابارلايدى قازاقپارات ءتىلشىسى.

دەپارتامەنت باسشىسىنىڭ ايتۋىنشا، سىرقاتتانۋشىلىق ارشالى جانە زەرەندى اۋداندارىندا ءبىر جاعدايدان، كوكشەتاۋ قالاسىندا 3 جاعداي تىركەلگەن. بالالار اراسىندا برۋسەللەز جاعدايلارى تىركەلگەن جوق.

«ەكى جاعدايدا برۋسەللەزبەن اۋىرعان ءۇي جانۋارىمەن بايلانىس سەبەپ بولعان، ال قالعان ءۇش جاعدايدا ينفەكسيا كوزى انىقتالمادى. دەگەنمەن، ساتىپ الىنعان ەت جانە ءسۇت ونىمدەرىن تۇتىنۋ دەرەگى بار»، - دەدى ايناگۇل مۋسينا.

ءوڭىردىڭ باس مەملەكەتتىك سانيتارلىق دارىگەرى اتاپ وتكەندەي، بيىلعى 6 ايدا برۋسەللەز بەلگىلەرى بايقالعان 607 ءىرى قارا مەن 86 قوي- ەشكى انىقتالدى. بۇل جانۋارلارىمەن بايلانىستا بولعان 590 ادام، ونىڭ ىشىندە 11 بالا تەكسەرىلدى.

ايتا كەتسەك، بۇدان بۇرىن اقمولا وبلىسىنداعى اۋىل برۋسەللەزگە بايلانىستى كارانتينگە جابىلعانىن جازعان ەدىك.


سوڭعى جاڭالىقتار