قىتايدا كوروناۆيرۋس ۆاكسيناسىنىڭ 700 ميلليوننان استام دوزاسى ەگىلدى
سالالىق ۆەدومستۆونىڭ مالىمەتىنشە، 2- ماۋسىمداعى جاعداي بويىنشا ەلدىڭ 31 پروۆينتسياسىندا (اۆتونومدى اۋداندار، قالالار) جانە شىڭجاڭ وندىرىستىك- قۇرىلىس كورپۋسىندا كوروناۆيرۋس ينفەكسياسىنا قارسى ۆاكسينانىڭ جالپى العاندا 704826000 دوزاسى سالىندى.
كەشە قىتايدىڭ قۇرلىقتاعى بولىگىندە COVID-19 جۇقتىرۋعا قاتىستى 24 جاڭا وقيعا تىركەلدى (سونىڭ ىشىندە 15 وقيعا - لوكالدى)، ينفەكسيادان ەشكىم ولمەگەن.
ۆيرۋستى جۇقتىرۋدىڭ 15 لوكالدى وقيعاسى قىتايدىڭ وڭتۇستىگىندەگى گۋاڭدۇڭ پروۆينسياسىندا انىقتالعان. وسىعان بايلانىستى 2 - ماۋسىمدا گۋاڭجوۋ قالاسىنىڭ ەكى اۋدانىندا كوروناۆيرۋسقا قاتىستى ەپيدەميولوگيالىق قاۋىپ دەڭگەيى جوعارى دەپ باعالاندى.
مامىر ايىنىڭ باسىندا قىتايلىق ب ا ق قىتايدا كوروناۆيرۋس جۇقتىرۋ قاۋپىنىڭ جوعارى جانە ورتاشا دەڭگەيى بار اۋداندار قالماعانى تۋرالى حابارلاعان. سوڭعى رەسمي دەرەكتەرگە سايكەس، قىتايدىڭ قۇرلىقتاعى اۋماعىندا COVID-19 ۆيرۋسىنا شالدىققان پاتسيەنتتەردىڭ 94,51 پايىزى ساۋىعىپ شىقتى. 2019 -جىلدىڭ جەلتوقسانىنان باستاپ كوروناۆيرۋس جۇقتىرعاندار سانى 91 مىڭ ادامنان استى. ءولىم- ءجىتىم كورسەتكىشى 5,08 پايىز (كوروناۆيرۋستان 4636 ادام ءولدى).
اۆتورى: رۋسلان سۇلەيمەنوۆ
