جىلۋ ءۇشىن تولەنگەن 700 ميلليون تەڭگەدەن استام قاراجات تۇتىنۋشىلارعا كەرى قايتارىلادى
بۇدان بۇرىن اتالمىش كوميتەت ءبىرقاتار وڭىردە تۇتىنۋشىلارعا جىلۋعا تولەنگەن قاراجاتتىڭ ءبىر بولىگى قايتارىلاتىنى تۋرالى حابارلاعان بولاتىن. تابيعي مونوپوليالاردى رەتتەۋ كوميتەتى جانە ونىڭ اۋماقتىق بولىمشەلەرى بارلىق وڭىردە جىلۋ قۋاتىن ەسەپكە الۋ اسپابى جوق تۇتىنۋشىلار ءۇشىن جىلۋمەن جابدىقتاۋ قىزمەتىنىڭ قۇنىن قايتا ەسەپتەدى.
بۇل تابيعي مونوپوليالار سالاسىنداعى زاڭنامانىڭ نورمالارىنا سايكەس جۇرگىزىلدى. قايتا ەسەپتەۋ ناتيجەسىندە جىلۋ ماۋسىمىندا (2020-2021 -جىلدارى) نەمەسە كۇنتىزبەلىك جىل ءۇشىن (2020 -جىلدىڭ سوڭىنا دەيىن) قاراجاتتى ەسەپتەۋدى قايتارۋ حالىقتىڭ جەكە شوتىندا كورسەتىلەدى جانە اۆانس (سالدو) تۇرىندەگى جەكە جولدا جازىلادى.
«قازاقستاننىڭ تابيعي مونوپوليالار تۋرالى زاڭنامانىڭ نورمالارىنا سايكەس، تابيعي مونوپوليا سۋبەكتىسى سىرتتاعى اۋانىڭ ناقتى تەمپەراتۋراسىن ەسكەرە وتىرىپ، جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتتىڭ قۇنىن تۇتىنۋشىلارعا تىكەلەي نە تۇتىنۋشىنىڭ تۇرعان جەرىن انىقتاۋ مۇمكىن بولماعان جاعدايدا جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتكە اقى تولەۋ كەزىندە ءتاريفتى تومەندەتۋ ارقىلى قايتا ەسەپتەۋدى جۇرگىزۋگە مىندەتتى. سىرتتاعى اۋانىڭ ناقتى تەمپەراتۋراسىن ەسكەرە وتىرىپ، جىلۋ ەنەرگياسىمەن جابدىقتاۋ جونىندەگى رەتتەلىپ كورسەتىلەتىن قىزمەت قۇنىن قايتا ەسەپتەۋ ءتارتىبىنىڭ ءوزى تاريفتەردى قالىپتاستىرۋ قاعيداسىمەن رەگلامەنتتەلگەن»، دەلىنگەن حابارلامادا.
وسىلايشا، وتكەن 2019-2020 -جىلدارداعى جىلىتۋ كەزەڭىندە جىلۋمەن جابدىقتاۋ بويىنشا قىزمەت كورسەتەتىن 133 تابيعي مونوپوليا سۋبەكتىسى جىلۋ ەنەرگياسىنىڭ تولەمىنە جالپى سوماسى ققس- مەن 736771070 تەڭگەگە قايتا ەسەپتەۋ جۇرگىزدى:
- نۇر-سۇلتان قالاسى بويىنشا - 3818460 تەڭگە، بۇل رەتتە نۇر-سۇلتان قالاسى بويىنشا اۋماقتىق دەپارتامەنت «قانىش ساتبايەۆ اتىنداعى ارنا» رمك «قازسۋشار» فيليالى جانە «ساپرو- نات» ج ش س بويىنشا قايتا ەسەپتەۋ جۇرگىزدى، ولار قاراعاندى، پاۆلودار جانە سولتۇستىك قازاقستان وبلىستارىندا قىزمەت كورسەتەدى؛
- الماتى قالاسى بويىنشا - 13327030 تەڭگە؛
- شىمكەنت قالاسى بويىنشا - 2580 640 تەڭگە؛
- الماتى وبلىسى بويىنشا - 8659900 تەڭگە؛
- اقمولا وبلىسى بويىنشا - 39708450 تەڭگە؛
- اتىراۋ وبلىسى بويىنشا - 8325040 تەڭگە؛
- اقتوبە وبلىسى بويىنشا - 50624690 تەڭگە؛
- شىعىس قازاقستان وبلىسى بويىنشا - 189998270 تەڭگە؛
- جامبىل وبلىسى بويىنشا - 43108930 تەڭگە؛
- باتىس قازاقستان وبلىسى بويىنشا - 14942620 تەڭگە؛
- قاراعاندى وبلىسى بويىنشا - 167298790 تەڭگە؛
- قوستاناي وبلىسى بويىنشا - 50718610 تەڭگە؛
- قىزىلوردا وبلىسى بويىنشا - 53392570 تەڭگە؛
- ماڭعىستاۋ وبلىسى بويىنشا - 3291000 تەڭگە؛
- پاۆلودار وبلىسى بويىنشا - 28629400 تەڭگە؛
- سولتۇستىك قازاقستان وبلىسى بويىنشا - 22562880 تەڭگە؛
- تۇركىستان وبلىسى بويىنشا - 12 558 790 تەڭگە.
«نۇر- سۇلتان قالاسى مەن ماڭعىستاۋ وبلىسىنىڭ اقتاۋ قالاسىندا جىلۋمەن جابدىقتاۋ قىزمەتتەرىن كورسەتەتىن «استاناەنەرگوسبىت» ج ش س جانە «م ا ە ك- قازاتومونەركاسىپ» ج ش س- ىندا قايتا ەسەپتەۋ جانە تۇتىنۋشىلارعا قاراجات قايتارۋدىڭ نەگىزى جوق ەكەنىن اتاپ وتكەن ءجون. بارلىق تۇتىنۋشىلاردىڭ جىلۋ ەنەرگياسىن ەسەپتەۋ اسپاپتارىن قولدانۋعا اۋىسۋ قاجەتتىلىگى بويىنشا جىلۋ ەنەرگياسىنىڭ ناقتى تۇتىنۋ كولەمى ءۇشىن عانا تولەيتىن بولادى جانە وسى تۇتىنۋشىلارعا قايتا ەسەپتەۋ جۇرگىزىلمەيتىنىن اتاپ كورسەتۋ قاجەت»، دەلىنگەن حابارلامادا.
