رەسەي قورعانىس مينيسترلىگىنىڭ اۋە كۇشتەرى 700 مىڭ گەكتار جەردەگى ءورتتى ءسوندىردى
رەسەي قورعانىس مينيسترلىگىنىڭ ۇشاقتارى مەن تىكۇشاقتارى سىبىردە وپەراتسيانىڭ باستالعالى 690 گەكتار القاپتاعى ءورتتى ءسوندىردى، دەپ حابارلايدى رەسەيلىك ت ا س س اگەنتتىگى وسى ەلدىڭ قورعانىس مينيسترلىگىنە سىلتەمە جاساپ.
ۆەدومستۆو تاراتقان مالىمەتتەرگە قاراعاندا، وپەراتسيا باستالعالى قورعانىس سالاسىنىڭ اۋە كۇشتەرى ورتەنىپ جاتقان ورمان القاپتارىنا 5490 ليتر سۋ شاشتى. رەسەيدىڭ اسكەري-عارىش كۇشتەرىنىڭ اۆياتسياسى ءورتتى ءسوندىرۋ ءۇشىن 90 رەت ۇشىپ، مي-8 تىكۇشاقتارى 143 رەت اۋەگە كوتەرىلگەن.
«قورعانىس مينيسترلىگىنىڭ اۋە كۇشتەرى 690 گەكتار جەردەگى ءورتتى ءسوندىردى»، - دەلىنگەن مينيسترلىكتىڭ حابارلاماسىندا.
جەكسەنبى كۇنى يل-76 ۇشاقتارى 20 رەت اۋەگە كوتەرىلىپ، جالىنداپ جاتقان القاپتارعا 840 توننا سۋ شاشقان. مي-8 ۇشاقتارى بولسا، 27 رەت كوككە ۇشىپ، 420 توننا سۋ شاشقان. جەكسەنبىگە دەيىن 170 گەكتار جانىپ جاتقان ورمان ءسوندىرىلدى.