استانادا يەسىز جانۋارلار پانالايتىن 700 ورىندىق ورتالىق سالىنىپ جاتىر

قالانىڭ ۆەتەرينارلىق قىزمەتى بەرگەن مالىمەتتەرگە سۇيەنسەك، قازىرگى تاڭدا استانادا پاناسىز جانۋارلارعا ارنالعان «اسەنكا» جانە «كوۆچەگ» اتتى 2 جەكە مەكەمە بار.

«سونىمەن قاتار، ەلوردادا يەسى جوق جانۋارلارعا ارنالعان مەملەكەتتىك مەكەمەنىڭ قۇرىلىسى جۇرگىزىلىپ جاتىر. نىسان كەلەسى جىلدىڭ 30 - ساۋىرىندە پايدالانۋعا بەرىلەدى دەپ جوسپارلانۋدا» ، - دەدى «استانا ۆەتقىزمەت» كاسىپورنى ديرەكتورىنىڭ ورىنباسارى مەدەت قىلىشبايەۆ.

جانۋارلار ءۇيى 700 ورىنعا لايىقتالعان. 500 ورىن قاۋمال ءتيپتى بولسا، 200 ورىن كارانتيندى ايماقتا ورنالاسپاق.

جانۋارلاردى مۇندا ۇستاۋ مەرزىمى ازىرگە بەلگىلەنگەن جوق. ال «استانا ۆەتقىزمەت» قازىرگى تاڭدا جانۋارلارعا ءچيپتى تەگىن تاعۋ، ولاردى زارارسىزداندىرۋ اكسياسىن، قۇتىرۋعا قارسى ەكپەنى تەگىن ەگۋ شارالارىن جۇرگىزىپ جاتىر.

 2019 -جىلعا كاسىپورىن يتتەرگە ارنالعان چيپتەردىڭ 8 مىڭ داناسىنا، 5 مىڭ يت پەن مىسىقتى تەگىن زارارسىزداندىرۋ مەن ءپىشتىرۋ جۇمىسىنا تاپسىرىس بەردى.

قۇتىرۋعا قارسى ەكپە اقپاننان باستاپ ەگىلەدى.

مەملەكەتتىك تاپسىرىس بويىنشا 11 مىڭ جانۋار ەگىلمەك. ولاردىڭ 3 مىڭى - مىسىقتار، 8 مىڭى - يتتەر.

 «ءبىز ءماسليحاتقا جانۋارلاردى ۇستاۋ ەرەجەلەرىنە وزگەرىستەر ەنگىزۋ تۋرالى ۇسىنىسىمىزدى ايتتىق. ءبىزدىڭ ويىمىزشا، ازاماتتاردى ءوز جانۋارلارىن زارارسىزداندىرۋعا مىندەتتەۋ كەرەك. يەلەرى ولاردى وسىرۋمەن اينالىسپاسا، ارينە. سونداي- اق، جانۋارلارعا چيپ تاعۋدى مىندەتتەر قاتارىنا ەنگىزۋدى ۇسىنامىز. بۇل ازاماتتاردىڭ ءوز جانۋارى ءۇشىن جاۋاپكەرشىلىگىن ارتتىرۋعا سەپتىگىن تيگىزەدى» ، - دەدى مەدەت قىلىشبايەۆ.