07:29, 17 - قاڭتار 2017 | GMT +5
ىستانبۇلدا 700 ادامعا قارسى وق اتقان لاڭكەس تۇتقىندالدى
استانا. قازاقپارات - تۇركيانىڭ قاۋىپسىزدىك قىزمەتتەرى جاڭا جىل تۇنىندە ىستانبۇلداعى تۇنگى كلۋبتاردىڭ بىرىندە اتىس ۇيىمداستىرعان وزبەكستان ەلىنىڭ تۋماسى ابدۋلگادير ماشاريپوۆتى تۇتقىندادى،

دەپ حابارلايدى قازاقپارات NTV تەلەارناسىنا سىلتەمە جاساپ.
تەلەارنانىڭ قۇقىق قورعاۋ ورگاندارىنداعى دەرەككوزدىڭ مالىمەتىنشە، لاڭكەستى تۇتقىنداۋ بويىنشا وپەراتسيا دۇيسەنبى كۇنى كەشكە ىستانبۇلدىڭ ەسەنيۋرت اۋدانىندا ءوتتى.
ەسكە سالايىق، اۆتوماتپەن قارۋلانعان لاڭكەس جاڭا جىل تۇنىندە ىستانبۇلداعى Retina تۇنگى كلۋبىندا 700 ادامعا قارسى وق اشقان بولاتىن. سالدارىنان 39 ادام كوز جۇمىپ، 69-ى جاراقاتتاندى. بولعان وقيعا ءۇشىن جاۋاپكەرشىلىكتى «يسلام مەملەكەتى» (قازاقستان اۋماعىندا تىيىم سالىنعان) لاڭكەستىك توبى ءوز موينىنا الدى.
فوتو: twitter.com/cnnturk