ۋاقىتشا نەكە ۇسىناتىن 700 سايت جابىلدى

استانا. قازاقپارات - يران ەلىندە ۋاقىتشا نەكە قىزمەتىن ۇسىنىپ، جەڭگەتايلىقپەن اينالىساتىن مەملەكەتتىك ەمەس 700 دەي سايت جۇمىسىنا تىيىم سالىندى.

  بۇل جايىندا ەلدىڭ ىشكى ىستەر مينيسترلىگىنىڭ اقپاراتتىق تەحنولوگيا بولىمشەسى ءتوراعاسى كامال حادي ەنۆەر مالىمدەدى. ال، سايت قوجايىندارىنا قاتىستى قىلمىستىق ءىس قوزعالدى.

ونىڭ ايتۋىنشا، كوپتەگەن سايتتار شيتتىك عۇلامالاردىڭ ماقۇلداۋىمەن جۇمىس ىستەپ كەلگەن كورىنەدى.

ايتا كەتەيىك، يران ەلىندەگى العاشقى ۋاقىتشا نەكە سايتى 2015-جىلدىڭ ماۋسىم ايىندا ىسكە قوسىلعان بولاتىن. اتالمىش سايتتىڭ جاستار ءىسى جانە سپورت مينيسترلىگىنەن العان ارنايى ليتسەنزياسى دا بولعان. سول كەزدە مينيستر ورىنباسارى ماحمۋد گولرازي «جاڭا سايت 100 مىڭ وتباسىنىڭ قۇرىلۋىنا سەپتىگىن تيگىزەدى» دەگەن ءۇمىتىن دە ايتىپ قالعان بولاتىن. سونداي- اق، سول ۋاقىتتاعى يرانداعى بويداقتار سانى 11 ميلليوننىڭ ۇستىندە بولعان ەكەن.

Muslim.kz